أحمد فتحى: مراتى وأبويا وقفا بجانبى منذ بداية رحلتى مع التمثيل

قال النجم أحمد فتحى عن بداية دخوله مجال التمثيل خلال لقائه في برنامج "ع اللوكيشن" المذاع على راديو هيتس تقديم شريف الليثى، قائلاً: "نقطة البداية بتاعتي لما خدت قرار التمثيل، هو إيماني بربنا وبنفسي، وكنت محتاج زقة في الأول بس للأسف مالقيتش حد يزقني فقررت أزق نفسي".
وأوضح أحمد فتحى: "أول مرة ليا في شارع الفن كان سنة 1997 في المسرح القومي من خلال عرض كان اسمه الشيطان يعظ، وأول نقلة كبيرة في حياتي كان فيلم بنات العم، أما فيلم كابتن مصر كان نقلة مهمة جدا بالنسبة لى، ولو لقيت الطريق مسدود قدامى كنت هدور علي طريق تاني".
وعن أكثر الناس الذين وقفوا معه قال أحمد فتحى: "اللي وقفوا معى في مشوارى الفنى مراتي وأبويا هما اللي كانوا معايا من بداية الرحلة، وعاوز أمثل دايما وأعمل أدوار أكتر صدق وإنسانية، مشيرا إلى أن سبب نجاحه هو توفيق من ربنا وجهد بذله وست وقفت بجانبه طول عمرها".
واختتم أحمد فتحى حديثه بالرد على عدة أسئلة سريعة قائلا: "أكتر فيلم بحبه في العموم هو فيلم الرصاصة لا تزال في جيبي، وأقرب صاحب ليا علي كمال هو ممثل بس للأسف مش مشهور، وأسعد وقت في حياتي لما بنجح طبعا، وأكتر كلمة بقولها أنا آسف وبقولها لمراتي طبعا، والمبدأ اللي ماشي عليه في الحياة هو أصرف ما في الجيب يأتيك ما في الغيب".
اقرأ أيضا| رامز جلال «ساخرا» من رانيا يوسف: نجمة البطانة اللي مسيطانا ومدوباهم أربعة| فيديو