قصة مقاضاة راشفورد لاعب مانشستر لمشجع من الشرقية.. براءة من شهرين

انتشرت على مواقع التواصل الاجتماعي أحاديث عن رفع راشفورد لاعب مانشستر يونايتد قضية على مشجع مصري من محافظة الشرقية وتناول المتابعون الأمر باهتمام بين ساخر ومندهش من القصة.
وبالعودة للتحقق من حقيقة الواقعة ظهرت حقيقة وتفاصيل مقاضاة راشفورد لمواطن مصري من الشرقية بعدما كتب أحمد خالد يحي المسئول في رابطة مشجعي مانشستر يونايتد في مصر موضحا تفاصيل الواقعة.
وقال أحمد خالد يحي عبر صفحته بموقع التواصل الاجتماعي فيس بوك: بخصوص ما يتم تداوله من الإعلام والميديا في مصر امبارح وانهاردة إن راشفورد رفع قضية علي مشجع مانشيستراوي مصري من الشرقية.. فانا مش جي أنكر ده وانما أوضحه.
وتابع : الموضوع قديم من السنة اللي فاتت، والراجل مشجع وقت زهق ومشتمش اللعيب. وده ما تم اثباته!!. السنة اللي فاتت كان فيه شتايم للعيبة كتير والنادي كان مركز ضد اي اساءة وحاولوا ياخدوا اجراءات قانونية حوالين العالم كله لمنع الجمهور من الاساءة اللفظية والعنصرية ضد اللعيبة وعائلتهم.
وأضاف ألأن راشفورد مرفعش حاجة وانما الوكلا بتوعه والشركة اللي ماسكة الاكونت هما اللي عملوا القضية بتوجيه من النادي.. ووكلوا محامي دولي بالقضية.
وأوضح المسئول عن رابطة مانشستر : بالنسبالي لما وصلي الحوار من دكتورنا الشاب الجميل حاولت باكتر من طريقة نحل الموضوع معاهم بشكل ودي. وكنا عارفين ان الموضوع لو وصل لماركوس راشفورد هيتحل.. لكن ما علينا. بفضل الله وكرمه الدكتور المصري اخد براءة من كل التهم من شهرين ..ومعانا البراءة رسمية من النيابة وبامضاء رئيس نيابة الاستئناف. ايوه.. من شهرين!!. مش عارف ايه فتح الموضوع ده دلوقتي تاني وليه دلوقتي اصلا بس كان لازم اوضحلكم منعاً للرغي الكتير من الاعلام الفاضي .. القانون اخد مجراه وخلصنا.. والراجل عنده امتحانات ومحتاج يركز في كليته الصعبة ونتمني ليه كل الخير.
واستكمل أن الفايدة اللي عايزكم تطلعوا بيها في الموضوع ده انكم متستهونوش ابدا ببعد المسافات وتخش تشتم اي شخصية عامة او اسرته، سواء شخصية رياضية او غير رياضية. هو بني ادم مهما كان والشتيمة هتهينه وهتجرحه. واياً كان .. اياً كان هو مين مفيش شخص في العالم يستحق انك تنضر بسببه ، بالاخص لو انت اللي بتهاجمه. خلي بالكم ومتستهونوش بالموضوع.
اقرأ أيضا
بوكيتينو في ورطة قبل مواجهة ريال مدريد