عفيفي: "لمصلحة مين اللي بيحصل في الشرقية"

أبدى علي عفيفي لاعب الفريق الأول لكرة القدم بنادي الشرقية حزنه على الحال الذي وصل إليه النادي بسبب الخلافات الحالية بين الراعي أحمد فؤاد أباظة ورئيس النادي حمدي مرزوق.

وكتب عفيفي على حسابة بموقع التواصل "فيس بوك" :"انا دلوقتي مشجع لمحافظتي قبل ماكون لعيب فيها لصالح مين اللي بيحصل ف نادي الشرقية مش حرام نادي كبير بحجم الشرقية بشعبيته وجماهيره يحصل فيه كدة .. دلوقتي كله بينط من المركب وف الاخر اللعيبة هي اللي تشيل الليلة حصل حاجات كتير وسكتنا عليها واتشمتنا واتبهدلنا ودلوقتي كله بيشيل ايده لصالح مين كل دة مش عارفين نتحد ونكون ايد وحدة عشان المصلحة العامة لنادينا ومحافظتنا كله بيدور علي مصلحته الشخصية علي حساب اسم النادي وجماهيره المحترمة اللي نفسها تفرح دلوقتي اللعيبة ف بيوتها ومفيش راعي ولا مدربين ولا مجلس ادارة ( لك الله يانادي الشرقية وجماهيره ).

أتمني اتحاد الجميع من اجل المصلحة العامة وربنا يخرجنا منها علي خير".