أعلنت الفنانة هنا شيحة عن نيتها في خوض تجربة "الإخراج" السينمائي قائلة: نفسي أعمل فيلم قصير وأقوم بإخراجه.. أنا دارسة ده في معهد فنون مسرحية درست إخارج مسرحي وأسس إخراج سينمائي ودرست ده. تابعت: الإخراج السينمائي ممكن يكون مختلف لكن أنا تعلمت مدرسة الإخراج السينمائي الواقعي، خاصة المخرج محمد خان الذي تعلمت منه الكثير. لكنها عادت وأكدت: مش معناها أني مش هاخد كورسات قبل خوض التجربة، لكن الفيلم الي عايزه أعمله أنا شايفاه بكل جوانبة بالممثلين والحدوتة. أكملت في ردها على سؤال الاعلامية لميس الحديدي هل عاوزة تخرجي بس ولا تكوني في الفيلم ده مخرجة وممثلة قائلة: لسه ماقررتش بس أنا عاوز أركز على الإخراج ومش ضروري أكون فنانة وممكن أجيب ممثلة عادي وعادة هتبقى واحدة صاحبتي تبقى فهماني وده هيكون من صديقاتي المقربيات كندة علوش وصبا مبارك ورضوى الشربيني. كاشفة أن الفيلم سيكون عن قضية متعلقة بالمرأة قائلة: بقالي زمان نفسي أخوض التجربة دي وأنا أخرجت فيلم أثناء دراستي في المعهد وكان عبارة عن تعبير حركي ومزيكا والمسرح ساعدني في تعلم ده لأنه هو من علمني كيف أقف وعلاقة الجسم بالأداء وكيفية التحكم في شخصيات الناس داخل العمل وعلاقة لغة حركة الجسد بذلك. وتعقيباً على تبنيها لقضايا المرأة في أعمالها تابعت في لقائها خلال برنامج "كلمة أخيرة" الذي تقدمه الإعلامية لميس الحديدي على شاشة "ON" قائلة: لو إحنا ماتكلمناش عن قضايا المرأة مين هيتكلم ؟ أنا عملت فيلم ولسه ماتعرضش بس خلص خلاص إسمه النهاردة يوم جميل وهو فيلم يتناوزل قضية "الاغتصاب الزوجي"، كل حاجة بالعافية وكل ماتواجهه تقله ده مش قابله يقلها ده حلال لحد ماترفع قضية وتعمل محضر يقلولها مالكيش حق لأنه جوزك، لو في الشارع نحرر محضر بس ده جوزك. وأشادت هنا بالتشريعات التي تنتصر للمرأة في هذا الصدد قائلة: دي أمور مهمة ومفيدة والسوشيال ميديا لها الفضل في ذلك لانها باتت قادرة على غيصال الصوت بشكل قوي زيها زي قضايا التحرش وغيرها والسوشيال ميديا ليها جوانب إيجابية وسلبية.
