تامر حسين ردًا على اعتذار رامي صبري: «هو ده رامي اللي أنا أعرفه»

تامر حسين رداً على اعتذار رامى صبرى : هو ده رامى اللى انا اعرفه

رد الشاعر تامر حسين عبر صفحته الرسمية على موقع التواصل الاجتماعى «فيسبوك» على اعتذار المطرب رامى صبرى قائلا : «هو ده رامى صبرى اللى أنا أعرفه، كان يهمنى توضيح الحقيقة للجمهور المحترم اللى تخيل اننا ممكن نعمل تنازل لاى فنان أو ناخد مُقابل وندى الأغنية لمطرب أخر وكنت حزين ومأذى نفسياً من الموضوع ده»
وأضاف «حقك عليا لو إتكلمت فى البرامج بحدة شوية فى الكلام أو اتكلمت بلهجة مش لهجتى معاك ولا مع أى زميل بس ده من زعلى انك ماوضحتش كل ده ببوست وتبرء ذمتنا وسمعتنا واحنا فعلاً داخلين على أيام مُفترجه».
وأضاف تامر «فكل البرامج قلت انك أهم صوت فى جيلك ما انكرتهاش وربنا يوفقك ويكرمك ويبعد عن الجميع أى خلافات ومشاكل عايزين نفن ونسعد الناس المحترمة اللى بتثق فى ذوقنا فنياً و نستغل الوقت فى النجاح».
وكان الملحن عزيز الشافعى قد وجه ايضا عبر صفحته الرسمية على موقع فيسبوك رداً على رسالة رامى صبرى وقال «الحق أحق أن يتبع ، حصل خير يا رامي و إنت فنان حقيقي و مباردة جميلة منك انك توضح للناس الحقيقة ، والاعتذار من شيم الكبار و انت كبير ، و احنا ف الاول و فى الأخر زملاء مهنة واحدة و بفخر جداً بنجاحنا سوا، و العلامات اللي عملناها ، وبتمنالك دايما النجاح و التوفيق في كل شغلك و في تقدم دايما يا نجم وشكراً على كلامك الجميل».
وكان المطرب رامى صبرى وجه رسالة صلح إلى المحلن عزيز الشافعى والشاعر تامر حسين على موقع التواصل الاجتماعى انستجرام وذلك بعد الخلاف الذى نشئ بينهما بسبب اغنية عمرو دياب "شكرا".
وقال رامي صبري "احقاقا للكل وكل واحد ياخد حقه اغنية شكرا للفنان الكبير عمرو دياب انا فعلا كنت شغال فيها لكن الاغنية مش ملكى قانوني يعني مثلا محدش خد منى حقوق أو مقابل مادى أو أخذت تنازل رسمى، عشان بس ابرء تامر حسين وعزيز الشافعى من الحتة دى".
وأضاف : "عزيز الشافعى انت ملحن كبير ونجحنا سوا ماتزعلش من كلمة اتقالت في زعل واحنا داخلين علي ايام مفترجة وشكلنا خدنا عين، ومن ساعة ما لحنت وكتبت حياتى مش تمام واحنا مش تمام، حبيبي يا عزوز وحبيبي يا تامر يا مدعى يلا حصل خير".
كان الخلاف بدأ بين رامي صبري وعزيز الشافعي وتامر حسين بسبب أغنية «شكراً» لعمرو دياب والتي طرحت في الألبوم الأخير «يا أنا يا لاء» و بدأت القصة ببوست من رامي قال فيه أنه لن يتعامل مرة أخرى مع عزيز الشافعي وأنها ليست المرة الأولى التي يقوم بها بإعطاء أغنية لعمرو دياب مستشهدا بأغنية «زى ما أنت» ليحذف من بعدها البوست، لتبدأ سلسلة من الردود من صناع الأغنية عزيز الشافعي وتامر حسين عبر السوشيال ميديا وفي القنوات الفضائية.
اقرا ايضا :
«شطبنا» لرامي صبري تتجاوز 2 مليون مشاهدة