أحمد زاهر: «المخرج وجعني أوي بكلامه وخلاني عضيت الأرض لحد ماخسيت»

قال الفنان أحمد زاهر، إن أهم الأدوار التي تمثل علامة فارقة في مسيرته الفنية تبدأ من شخصية «يوسف المهدي» في حكاية حياة يعقبه في المركز الثاني شخصية «فتحي» في مسلسل «البرنس».
وتابع الفنان أحمد زاهر، في لقاء ببرنامج «كلمة أخيرة»، على شاشة «ON» قائلاً: «يوسف المهدي» كان أكبر تحول بالنسبة لي في حياته الفنية.
وتابع أحمد زاهر، "كنت تخين أوي ووزني تجاوز 185 كيلوا وربنا بعتلي المخرج محمد سامي، كنت فظيعا لأني كنت مصابا بخلل في إفرازات الغدة الدرقية وكانت مرحلة كئيبة.. وكنت أتلقى العلاج وكنت بحاول أخس بس ماينفعش لأن التخن اللي كنت فيه كان بسبب ورم جسمي منفوخ بالمياه".
وواصل زاهر، فضلت تخين لحد مانزلت من 185 كيلو لحد 120كيلو في مسلسل أدم الذي كان أول لقاء لي مع المخرج محمد سامي ومكناش نعرف بعض قبلها وفجأة جسمي حصله ثبات في الوزن ومش راضي ينزل.
وكشف عن دور المخرج محمد سامي في رحلة فقدان الوزن، قائلا: محمد سامي شافني قالي لازم تخس وشجعني أعض الأرض عشان وزني ينزل بعد ماحصله ثبات عند 120 كيلوجراما وقالي قدامك سنة وإنت حر في النهاية عايز تخس خس مش عايز براحتك بس فيه دور مهم اسمه «يوسف المهدي»، في مسلسل أدم وده دور جامد ومهم بس مستحيل هتمثله وإنت تخين كده.
وأكد الفنان أحمد زاهر، أن المخرج سامي بكلماته أوجعه جداً وتسبب في زعل بينه وبين المخرج قائلاً: زعلت أوي لما قلي مين بطلة هترضى تمثل قدامك وإنت بالوزن ده؟ بس دلوقتي بشكره جداً عشان وجعني لأن كلامه خلاني أعمل المستحيل عشان أرجعله رشيق ولما دخلتله في البروفات، «بكى» لأني فقدت وزني من 120 كيلو لحد 85 كيلو حالياً فضلت عامل دايت وأمارس الرياضة وأقاوم لحظات الضعف أمام الأكل.