شاهد| وليد منصور يدافع عن محمد صلاح.. ويوجه رسالة للجماهير

دافع المنتج وليد منصور، عن النجم المصري المحترف في صفوف ليفربول الإنجليزي محمد صلاح عقب خروج الفراعنة مبكرا من منافسات أمم إفريقيا 2019.
ونشر "منصور" صورة للنجم محمد صلاح عبر صفحته ب"فيسبوك"، وعلق عليها قائلا: "عزيزي جمهور الكرة.. أحنا ليه لما بنحب بنحب قوي ولما بنكره بنكره كده.. أولا انا مش شايف مبرر خالص من الحملة ضد محمد صلاح بعد خروج المنتخب هو مش صلاح مثلا ضيع ضربة جزاء فخرجنا بسببها أو انفرد في اخر ماتش وضيع أنفراد.. أحنا كان عندما مدير فني فاشل ضعيف واتحاد كره بجد وحش ومش على قد المسؤلية ده الموضوع".
وأضاف: "مينفعش يكون صلاح العالم كله بيحترمه ويشجعه ويقدره واحنا عمالين ندوس عليه ونكبر في لعيبة من دول تانية ونحاول نكبرهم على صلاح.. بجد صلاح إنسان محترم مهذب خلوق بيحب بلده مش مستني شهرة علشان هو في أعلى مكانة ممكن لاعب كرة يوصل ليها.. إن المنتخب كان وحش وغير موفق دي مش مشكلة صلاح.. أحنا بجد صلاح وتريزيجيه وطارق حامد والشناوي وأحمد حجازي ومحمود علاء دول كانوا بيلعبوا بدل 11 يعني منتخب بيلعب ناقص 5 لاعبيه كويس مطلعناش بفضيحة".
وتابع: "كفاية بقى وياريت نشجع ونكبر في ولادنا اللي ناجحين علشان في الاخر بيتقال في العالم كله محمد صلاح لاعب منتخب مصر يعني لاعب مصري زي وزيك.. يا ريت بدل اللي بيحصل ننزل صور وأهداف بتعته ونقول أحنا عندنا صلاح أنتم بقى مين.. صلاح بجد من أفضل 5 لاعيبة في العالم دلوقتي.. مصر فيها نجوم كتير بلاش نقلل من الناجح اللي بينجح بجد في كل المجالات"، واختتم قائلا: "مو.. صلاح".