حالة حوار

د/عمروعبد السميع : مساء الخير واهلا بكم في حالة حوار ثقافة الانتماء حلقات خاصة من هذا البرنامج نستضيف فيها رموز السياسة والثقافة والادب والرياضة والفنون والابداع في كل المجالات لنفتش معا عن جذور تلك العلاقة الفريدة التي تربط المصري ببلدة منذ الاف السنين المصري طول عمره اكثر شعب في الدنيا متمسك بارضة لكن بتغير الظروف واختلاف الوقت اصبح محبا للهجرة ثم تحولت الهجرة عنده من حلم مشروع بحثا عن العلم او العمل الى مغامرة غير محسوبة وغير مشروعة وعادته لا تنتهي حين تبتلعها امواج البحر الابيض المتوسط ضيفي اليوم مفكر كبير عضو مجلس الشورى استاذ ادارة دولي حديثة اليكم سوف يكون حديث الافاقة وليس حديث الاستنامة سوف يكون حديث الوخذ وليس حديث الطبطبة سوف يتكلم عن الانتماء وضرورات الانتماء والطريق الى الانتماء ويا ايها الشاب الجميل حب بلدك حب وطنك ده الحب بعده مستحيل
د/عمروعبد السميع : اسمحوا لي اولا ان ارحب بضيفي وضيفكم المفكر الكبير عضو مجلس الشورى الاستاذ الدكتورصبرى الشبراوي وارحب بابنائي وبناتي شبات وشباب مصر واهلا وسهلا بكم
د/عمروعبد السميع : بقي يا دكتورصبرى كتبت لنا ذات مرة مقال بعنوان " رؤية جديدة للعلاقة بين المواطن والدولة " الحقيقة المر يحار حين يحاول توصيف العلاقة بين المواطن والدولة في مصر احنا في الحقيقة مش عارفين اية اللي حاصل ده وبالتالي عوزين نسمع قراءتك انت للعلاقة ومدي تاثيرهاعلى مفهوم الانتماء من عدمه؟
د /صبرى الشبراوي : والله خد انت مفهوم العلاقة من المواطن والدولة ما هي الدولة احنا بنسمي الدولة والمسئولين في مصر الدولة عاوزة كده لانهم يعتبروا ان الحكومة هي الدولة وده مفهوم غلط ولا يؤدي الى تنمية امة ليه لان الحكومة بتشتغل عند الدولة الدولة اللي هي الشعب بجميع مؤسساته الفرد والاسرة والمؤسسات كلها المدنية فانت لما تقول الدولة علشان يبقي في مستقبل للدولة يبقي في مواطن له مواصفات وله حقوق الحقوق دي ومواصفات البشر مش معروفة يعني البلد دي لها خريطة بشرية ولها توقعات من نفسها ولها ارادة وطنية ولها
د/عمروعبد السميع : بتحاول ان تبلغ التوقعات دي ؟
د/صبرى الشبراوي : بتحقق التوقعات ليه بقي لان المجتمع يبدا بالفرد و الفرد بيتكون في مجموعات من الاسرة للمدرسة للشركات للمؤسسات الخدمية المؤسسات المدنية اذا كان الفرد ده مواصفاته وحشة هتبقي كل الباقي وحش
د/عمرو عبد السميع : طيب ما دام الحكومة حاولت ان تلتحف بالدولة في علاقاتها بالناس
د/صبرى الشبراوي : ازاي حضرتك
د/عمرو عبد السميع : طيب قول لنا اي نوع من العلاقة بين الحكومة والمواطن ؟
د/صبرى الشبراوي : ما هي الحكومة طيب انا اقولك احنا من 50 سنة الحكومة احتكرت الخدمات مش كده النقل والمياه والمواصلات والصرف الصحي وكله واحتكرت التعليم واحتكرت كل الانتاج في وقت من الاوقات طلعت منتجات لا تليق بالمواطن المصري علمت تعليم وحش محترمتش ارادة المواطن بيبقي الحكومات المتعاقبة دي لم ترقي الى مستوي توقعات المواطن يبقي تكلمت فتنهار الامة في انتاجيتها ومواصفاتها وثقافتها وفي كل حاجة
د/عمرو عبد السميع : الحكومة دي هي حكومة الحزب اللي حضرتك تعتبر من ابرز نجومه ورموزه بتقول لهم الكلام ده في الحزب
د/صبرى الشبراوي : بقول
د/عمرو عبد السميع : ويقولوا لك اية بقي ؟
د/صبرى الشبراوي : انت مش قراءت اللي انا قلته
د/عمرو عبد السميع : انا مليش دعوة كلم الشباب
د/صبرى الشبراوي : لوا انا بكتب مش لازم حد بقراء اول ناس يقراؤ الحكومة اللي انا بحاول ادعم
د/عمرو عبد السميع : ويقولوا لك اية بقي ؟
د/صبرى الشبراوي : اه كلام انت عارف انت الريف في بلدنا يرجع عالم من بره يقوله الله احنا عندنا منك كثير اية عندك مني كثير انت بتهز شجرة تنزل علماء الحضارة الريفية رغم انني ريفي وبموت في الريف واهلي انما ناكرة لاولاد بلدهم يعني يجيلك واحد يطلع واحد يقولك هو هيجيب الديب من ديله هو فاكر نفسه اية هو يتنك علينا لازم ينزل في الزبالة معاهم علشان يبقي منهم خلي بالك يعني انت لو مرحتش وغيرت من جلدك يعني انا رحت بلدنا واهلها اهلي
د/عمرو عبد السميع : الله هي اية ؟
د/صبرى الشبراوي : براموال مركز المنصورة دقهلية بلد مهمة قوي في تاريخ الانسانية
د/عمرو عبد السميع : ليه ؟
د/صبرى الشبراوي: لانها طلعتني وطلعت من البلد طلع منها ناس كويسه جدا دكتور عبد الكريم درويش دكتور محمود شريف وعلماء ومعجزة بقي انك تطلع من هذه القرية الناس دول ما هي دية بقي سر عظمة مصر لا تتوقع الناس دي تطلع من الظروف الموضوعية
د/عمرو عبد السميع : طيب اية علاقة الحكومة بالنخبة بالعلماء بالمثقفين علاقتها بملح الارض بالناس البسيطة ؟
د/صبرى الشبراوي : الناس البسيطة روح اتعامل بقي ما انا يقولك عاملت الناس زي الزفت في الخدمات اللي بتقدمها تروح تدفع فاتورة المياه يقولك الساعة 12 فقلنا ارجع وتعالي بكرة دلوقتي احنا نظرة جديدة يعني ربنا سهل وبداوا يفهموا الكلام ده الحكومة الجديدة دي بدات شوية في نظرة اكثر احتراما بيتكلموا عنها انما لا يدافعوا عنها
د/عمرو عبد السميع : حضرتك بتتكلم عن الحكومة الجديدة اللي الناس تصفها كوديا بانها حكومة رجال الاعمال حضرتك شخصيا في حديث لك في الاهرام الاقتصادي قلت انك تدين رجال الاعمال الحاليين في مصر و تقول ان مصر مفيهاش رجال اعمال حقيقيين يعني اية ؟
د/صبرى الشبراوي : اصل كلمة رجال اعمال خليني اشرح الدول اللي في العالم التي تقدمت لا تدار برجال اعمال مفيش حاجة اسمها رجال اعمال لما تجيب واحد يديك كارت لا يقول انا رجل اعمال بقول انا صاحب شركة كذا انا عندي اعمال كذا انما رجل اعمال ده ما هو بتاع البطاطا هو رجل اعمال اي واحد في الشارع رجل اعمال ده لازم يبقي له اضافة للانسانية يعني فورد رجل اعمال بقة صاحب شركة فورد بيل جيتس بتاع ميكروسوفت لا يقول ان رجل اعمال لا يمكن رجال الاعمال دول اللي احنا نصفهم رجال اعمال يتوصف الناس اللي هي اية الانتهازيين اللي بيغملوا فلوس نتيجة نهاز الفرص لقي ارض عرف من الوزير سمع من واحد قريبة قام راح للارض سقعت بقي مليونير
د/عمرو عبد السميع : اللي هو بيخطف فرصة للخلاص الفردي ؟
د/صبرى الشبراوي : ايوة ما ده يا رجل لو ده وصف لرجال الاعمال يبقوا مش رجال اعمال مش بيعملوا اعمال طيب اية الاعمال اللي عملوها في الاول مفيش ده نتيجة لهذه الفرص انا برفض ان احنا نسمي كل واحد رجل اعمال لان في ناس كويسين في رجال الاعمال اللي انا بقولة بقي ان الامم لا تدار برجال الاعمال يعني خد فرنسا هل ساركوزي رجل اعمال الوزراء في فرنسا رجال اعمال
د/عمرو عبد السميع : اية الفارق ؟
د/صبرى الشبراوي : رجل الاعمال زي ما بقولك رجل الاعمال ده نهاز فرص انما رجل ادارة الاعمال ده مؤسسات يديرها ومتعلم في جامعات والادارة علم وقدرات قياده يعني رئيس اقولك
د/عمرو عبد السميع : طيب انت رمز من رموز الادارة والعلم وقدرات القيادة ومع ذلك لم نراك تمثل قيادة تنفيذية في هذا البلد
د/صبرى الشبراوي : لان ميجبنيش واحد ميفهمش بالادارة هيجبني احرق دمه ويبقي ينا يا هو يقولك احسن ميجيش خلي بالك يعني انا جيت في عز احتياج مصر لرجال زي انما بلاش ما في علماء انا كانت دفعتي في جامعة كاليفورنيا في باركلي الشباب في جامعة باركلي بطلع علماء العالم احسن جامعات العالم وفيها اللي اخترعوا القنبلة الذرية والهيدروجينية لعلمك بقي كان في 40% مصريين في قسم الهندسة النووية متنطورين في امريكا محدش سال عنهم احنا دلوقتي في اجتياح لدوافر واحد منهم انما لأ زي ما يقولك حضارة نكران لاولاد بلدهم الندرة واللي بيقدم الامم الندرة يا /عمرو انت عارف
د/عمرو عبد السميع : برضه ارجع اقولك نقطة رجال الاعمال ادارة رجال الاعمال
د/صبرى الشبراوي : انا بقولك اي رجل اعمال يعمل مصنع
د/عمرو عبد السميع : ما انت قولت لنا ان ادارة الحكومة اللي هي كانت ما نسبة قبل سنة وصلتنا الى خدمات سيئة طيب احنا مش شيفين ان ادارة رجال الاعمال وصلتنا الى شيء اخر
د/صبرى الشبراوي : ما توصلكش ولا هتوصلك ليه لان ما انا بقولك الدول بتدار برجال دولة رجل الدولة ده له مواصفات انا اوصف الثلاثة رجل الدولة همه العام هو الناس فبيختار رجال الدولة اللي يديروا الامم من رجال دولة رجل همه يعني انا صحيح دارس ادارة انما همي العام من 20 سنة بشتغل في التنمية البشرية لو قلت لي خدت عربية تليفزيون فرش لتر بنزين من الحكومة اقولك مفيش انا راجل بخدم على الناس كويس وبعدين ودي همي العام وهمي العام هو همي الخاص ده رجل الدولة انما اية خلاص همه الفلوس ماشي اول ما يبتدي يعمل فلوس بيكون علم ولادة ولادة يعمل لهم مشروع لازم الاولاد يتعلموا ادارة علشان يديروا المشروع لو هو مش بطريقته مش هيعمل حاجة واخد بالك الدول تقدمت في مراحل الانتهازيين عملوا فلوس فبدوا يعملوا شركات ومصانع لقيوا نفسهم ميقدروش يديروا اتعملت جامعات فيها ناس بتعلم ادارة جابوهم يديروا مصانعهم يعني الخواجة فورد لو عايش لغاية دلوقتي هيعرفش يدير شركة فور فالدول الكبرى شركات الشركات دي الكبيرة دي يديرها رجال اعمال لا يمكن
د/عمرو عبد السميع : الحقيقة انا عاوزاقول لحضرتك على حاجة انني لاحظت ومنذ زمن طويل ان المصريين ربما معندهمش ثقة في ادارة الحكومة وربما معندهمش ثقة في ادارة رجال الاعمال ولكن عندهم ثقة مطلأ في مؤسسة واحدة او هيئة واحدة من هيئات الدولة وهي القوات المسلحة انا عاوزك توصف لي العلاقة ما بين المواطن وما بين الجيش في مصر
د/صبرى الشبراوي : اقولك حاجة هما برضه مش ياكلوا يا بلاش يعني في ناس كويسة في الحكومة مقدرش اقول لأ انما
د/عمروعبد السميع : انما في التحليل النهائي في الحساب الختامي اية ؟
د/صبرى الشبراوي : الناس بتحاسب وعندهم حق انما اللي اقولك عليه ان النتائج لازم توصل للناس يعني انا مرة اصح الصبح كده اروح حتة القي اتعامل كويس اقول في تغييرالاحساس بالتغير لازم بيقي ملموس لو مش ملموس يبقي في حاجة غلط في الادارة فانا بقول ان الحكومة لم تختار قيادتها بطريقة سليمة لان الخريطة البشرية اللي بتقدم العالم اساسها اختيار من يقود في جميع نواحي الحياة وقالي بقي للجيش ليه الناس تثق في الجيش اولا الجيش ده دفع دم غالي حارب ستة حروب اليمن وحرب 48 بتاعة فلسطين وحرب 56 وحرب 67
د/عمرو عبد السميع : والاستنزاف واكتوبر ؟
د/صبرى الشبراوي : والاستنزاف واكتوبر لأ وحرب الخليج يعني لينا دور مقال انهزمنا وكسبنا ففي دور ان الجيش يواجه الهزيمة وقولي بقي الجيش كسب في 73 ازاي اعاد النظر في ادارته جاب قيادات على مستوي عالمي يعني كان الاول القائد يشخط وينظر قالك لأ القائد بالعلم وبرفع مستوي اديتة الناس وبرفع كفاءة الناس وتدربوا كما لم يتدرب رغم انه لم يكن عندهم معدات في 73 زي 67 وكان حصار جبار وخرجين من هزيمة فظيعة تكسر النفس ومع ذلك تغلبوا على الخوف وعلى كسر النفس واعادوا الثقة لمصر وشرف مصر كله ودة يبقي ماتشفش فيه ازاي يعني غيروا الخريطة البشرية بتاعت الجيش
د/عمرو عبد السميع : اية كمان ؟
د/صبرى الشبراوي : العسكري كان بيتاخذ جاهل ويضرب على قفاة وخايف جابوا عساكر متعلمة ودربوهم جابوا العم جاوب الاخ اللي عمل المعجزة بتاعت
د/عمرو عبد السميع : خراطيم المياه ؟
د/صبرى الشبراوي : خراطيم المياه ده عبقري فالابتكار كان دعامة النجاح مش كده وبس عملوا المجموعات وهنا القائد كان في المقدمة ماكنش قاعد يدي اوامر بالتليفون والتكنولوجيا تقدمت فاستخدموا العلم غيروا الخريطة البشرية وبينجزوا في الداخل دلوقت
د/صبرى الشبراوي : يبقي ازاي انا ما اثقش فيهم لازم تحترم وتحترم ارادتهم هما نموذج لن تستفيد به في الحياة المدنية انا عاوز اقولك حاجة الحياة المدنية في المانيا زي الجيش الالماني الاولاد الالمان بيلعبوا كورة
د/عمرو عبد السميع : ما استنسخناش نموذج القوات المسلحة في الحياة
د/صبرى الشبراوي : ما استغلناش الحياة المدنية ترهلت والناس كانوا يعني شوفوا الوقت استخدام الوقت في العسكرية لازم تبقي الوقت قيمة الاشياء لا تهدر شكلا ورزم يبقي نظيف ما تبقاش سايب نفسك كده
د/عمرو عبد السميع : زي ربما عناصر ادارة في القوات المسلحة ولكن اظن ان هناك سبب اخر يدفع الناس الى الثقة في الجيش المصري الا وهو اقترانها المطلق في ذهن الناس بفكرة الوطنية
د/صبرى الشبراوي : لأ اصل الوطنية يعني اية
د/عمرو عبد السميع : يعني اية ؟
د/صبرى الشبراوي : الوطنية يعني انا حاسس بالامان في وطني انني القي نفسي في وطني انني احقق احلامي في وطني انت عارف اية اللي رجعني من امريكا رغم العظمة وانا كنت في قمة النجاح
د/عمرو عبد السميع : رجعت لية صحيح ؟
د/صبرى الشبراوي : رجعت لان عندي احساس ان انا لازم اقدم بلدي ايوه علمني دي لو ابوية معلمنيش دي ما كنتش راجع
د/عمرو عبد السميع : ما توقعتش انت تواجه اية ؟
د/صبرى الشبراوي : لأ كان عندي كنت ساذج افتكرت الناس هتقولي يا سلام يا بتاع زي امريكا تقول كلمة يقول لك اية الذكاء ده هنا يقولك والله كنت بفكر فيها يقولك كانت على بالي لأ هنا متوقعتش المقاومة الرهيبة للنجاح المقاومة هنا لاي واحد مثقف ذكي ناجح القيادات اللي كانت وقتها كانت بتتكتل للحرب المعنوية لان هو وخدين مكاسب لا يستحقونها فاي واحد هيجي يهدها يكشفهم فلازم يحربوه بالروح والدم
د/عمرو عبد السميع : يعني يدفعوا عن منطق غريب المعايير؟
د/صبرى الشبراوي : لأ بيدفعوا عن مصالحهم الشخصية لانهم مش مؤهلين متلقيش واحد كويس واحد مش كويس يجيب واحد كويس ما احنا بدانا في صناعة السيارات قبل كوريا انما اللي كانوا يجيبوا اي ناس معلمناش ومدربناش ولم تستثمر العنصر البشري فلما انا جيت كنت رومنتيكي النزعة في بلدي بحب بلدي وبعدين جيت الجامعة فشوفت شباب زي الشباب ده كل ما ادرس لهم القي في عيونهم بريق العلم والحب فيهما اللي جابوا لي الكافية قعدوني وبناء على عملي بقي المتواصل جاء لي الحكاية دي
د/عمرو عبد السميع : جلطة ؟
د/صبرى الشبراوي : اه انما رغم هذا اجي تاني لو انا بدات اجي تاني واعمل وامرض زي بعضة انما القضية قضية عقيدة واصرار على انك تحقق حاجة لبلدك دي الوطنية الجيش كده
د/عمرو عبد السميع : حضرتك تكلمت عن الشباب في عدة مواضع الحقيقة وقلت انك انت مؤمن بهم لانك مؤمن ان هما الطاقة الكامنة في هذا البلد
د/صبرى الشبراوي : طبعا
د/عمروعبد السميع : انا الحقيقة مش عارف انت قلت كده ليه هل قلت كده لانك مقتنع فعلا بصفات وملكات وخصال الشباب المصري في اللحظة الراهنة ولا قلت كده انك تعرف ان هما دول الكتلة الغالبة في تعداد السكان فتاثر تحقق شعبية عبر هذه المقولة ؟
د/صبرى الشبراوي : ولا شعبية ولا حاجة ولا يهمني الكلام الفارغ شعبية اية
د/عمروعبد السميع : ام ال يهمك اية ؟
د/صبرى الشبراوي : انا يهمني اصل انا يهمني شوف اذا ما حبتش نفسي مش احبهم وانا بحب نفسي مش اناني انما حبي لذاتي وايماني بذاتي يخليني اقول يطلع منهم احسن مني يعني انا قلت لك اللي قعدني الطلبة بتوعي وكلهم الحمد لله كل الطلبة اللي بيشتغلوا معايا وكانوا قريبين مني قيادات فذه في المجتمع المصري وهما اللي هيقودوا وهيغيروا باذن الله ليه انا مؤمن بالشباب اولا المصريين خمسة الاف سنة مخزون حضاري مروا بازمات جبارة ورغم ذلك مشيين يعني عندهم قدرة على التحمل لا حدود لها وعندهم قدرة على الاقلمة والتاقلم مع حضارات ثانية لا حدود لها مشكلة المصريين ان بدل محد يجليهم بيرمي عليهم تراب بيقرفهم بيعكنن عليهم ولو اتكلم كلام كويس يقوله انت بتتلامض انت ناكر نفسك اية يا ولد عيش عيشة اهلك بكرة تبقي زينا
د/عمروعبد السميع : خطاب التذمر اللي من النوع ده ممكن يفضي بنا الى اية د /صبرى الشبراوي : تذمر بتاع اية ؟
د/عمرو عبد السميع : بتاع ان احنا متضايقين ان حد بيرمي علينا تراب بدل ما يجلينا والكلام ده
د/صبرى الشبراوي : لأ ما لازم نحارب عن حق يعني ان جيت اقولك حكاية اول ما تخرجت من الجامعة و اشتغلت في شركة كيما قبل ما راوح ابقي معيد في معهد الادارة قبل ما تتولدوا بكام سنة الكلام ده انا قبلت مدير فبقوله انا طالب كويس ومتخرج بتقديرات كويسة وعاوز اساعدك فبص لي كده من فوق الى تحت ومعبرنيش وجاي دخل عليه الراجل بتاع القهوة اسمه عم سيد انا فاكر الحادثة دي قال له يا عم سيد هات لي قهوة
د/عمرو عبد السميع : دائما الراجل بتاع القهوة اسمه عم سيد على فكرة
د/صبرى الشبراوي : حاجة زيك كده او عبده وما قليش اقعد ولم يعاملني كانسان وسيد ده خارج قلت له يا عم سيد هات لي قهوة كمان عملت ازمة في الشركة ازاي واحد يطلب لنفسه قهوة مدير متخلف يعني قاتل انا حاربته لغاية ما حاربته وقتها محبش انا حد يحبط معنوياتي
د/عمرو عبد السميع : بس دي ثقافة سائدة تقدر تغيرها لوحدك يعني ازاي تصور حضرتك انك هتقدرهذا الميراث الثقافي الفظيع في الادارة وفي السياسة وفي العلم وفي كل شيء
د/صبرى الشبراوي : انت جايبني هنا لية ؟
د/عمرو عبد السميع : جايبك علشان تكلم الشباب
د/صبرى الشبراوي : اكلم الشباب وانا متاكد من الشباب دول على الاقل اثنين
د/عمرو عبد السميع : وهما كمان هيكلموك
د/صبرى الشبراوي : هيعملوا كده على الاقل اثنين الاثنين دول يقدروا يغيروا مصر انا لما جيت واتكلمت عن التنمية البشرية قالو لي اية ده
د/عمرو عبد السميع : طيب ما تقول للاولاد يعني اية التنمية البشرية ؟
د/صبرى الشبراوي : التنمية البشرية ان انا الانسان هو اساس التغير في الكون وان الفرد احنا اتعودنا ان يقول لك الفرد ملوش قيمة لازم كلنا نغير ده كلام فارغ اللي غير التاريخ افراد وربنا سبحانه وتعالي لما نزل رسالة منزلهاش على شعوب نزلها على فرد لان اساس التقدم بيقودة فرد غاندي غير الهند مش كده الجيش المصري فيه قيادات غيرت نجاحنا مش كده خلينا من الهزيمة للنصر افراد كل فرد بيلعب دور بيحرك المجتمع انا لما جيت التنمية البشرية قولت قيمة الفرد هو قيمة هي الاساس والاساس في الفرد ان تنمية بدون تنمية للافراد المجتمع كلا في مهنته حسب المهن واختياره القيادات هي الاساس هيبقي عندنا خريطة بشرية ملوثة عشوائية لن نتقدم
د/عمرو عبد السميع : يعني اذن حاصل جمع الافراد دول هو الطاقة الكامنة اللي حضرتك بتتكلم عليها ؟
د/صبرى الشبراوي : بالظبط والفرد ده توقعات وقدرات لو انت توقعاتك ضحلة مش هتتحرك
د/عمرو عبد السميع : يعني زي الراجل المدير الفني بتاع منتخب الناشئين بتاع الكرة لما جه يبتدي البطولة بتاعة المونديال وقال احنا عايزين نجيب اربع نقط بس في الاول ؟
د/صبرى الشبراوي : مكنش المفروض نجيبة وانا شوفتة وهو قاعد كده بلط وقاعد معندوش روح ميشجعش ده قاعد كانة في عمر مكرم والعيال بتلعب والولاد هايلين على فكرة ما هي مصر محتاجة كوتش مصري
د/عمروعبد السميع : خدت بالك من بعد انتهاء البطولة وخرجنا منها في دور ال 16 ان الجميع القي بالمسئولية على الشباب اللي كان بيعب محدش اتكلم على الادارة محدش قال على اختيار المدير الفني السيئ محدش قال الكلام ده خالص
د /صبرى الشبراوي : ما هو انا بقول لك ان الشباب المصري دول تدي الواحد من دول 5 جنية هياكل ويشرب ويقابل واحد صاحبة ويعزمة كريم واخلاق ولو في ايده لقمة يديها لة متلاقيش الكرم ده في حتة ثانية المصريين عندهم مخزون حضاري ما هو حرب 67 وبعدها حرب 73 العالم الراجل اللي جاي من الريف ده حارب تكنولوجيا متقدمة وكسب ازاي ما دي بقولك عظمة مصر في مكنونها البشري
د/عمرو عبد السميع : طيب بشكل تفصيلي انا عايزك تقولي اية عناصر الطاقة الكامنة او القوة الكامنة في المصريين الان حالا فورا ؟
د/صبرى الشبراوي : المصري صبور بس ده سلاح ذو حدين لو صبر زيادة هيخسر
د/عمرو عبد السميع : دي صفات اسمح لي حضرتك اللي هي صفات في الشخصية الوطنية تتغير بتغير السياق زم ما نقول اية عملا المصري متمسك بالارض ومحمد ابو سويلم في فيلم الارض عمل كده ومسك في الارض وهي بتاخذ منه لكنة اصبح محبا للهجرة او تقول لي مثلا ان المصري محبا للدعابة والفكاهة هو دلوقتي اكتائبي وسودوي
د/صبرى الشبراوي : لأ هقولك المصري لا يهاجر المصري يهجر في فرق بين يهاجر وبين يهجر انت ارفه لدرجة ان هو عنده الموت احسن ومين اللي ارفه الكل بيديروا ما هو شوف ادارة صناعة الحضارة لو انت بتتكلم على الحضارة كحجارة يبقي اقعد بيضها الحضارة هي الانسان لما تصنع حضارة يبقي بتصنع انسان انت عندك الهرم ولسه بتستورد حديثي لك ده انت المفروض تبقي احسن بنائين العالم يعني تاخذ من حضارتك وتعمل منها قوة تنافسية عندك القطن المصري وبتبيعه خام بيقول عليه وتروح تشتري قميص زي ده يقولوا عليه قطن مصري وتدفع فيه دم قبلك فانت مش مستخدم قدراتك ولا مستخدم قدراتك المادية ولا الانسانية الانسان المصري فيه ميزات اولا هقولك في حاجة بس متضحكوش عليها احن شعبي في العالم هما المصريين وانا اتحدي اي شعب وانا لفت الدنيا الياباني متعرفش تتكلم معاه وياكل وعند حته لحمة يقطعها كده زي ورق السجاير وياكلها واخد بالك المصريين كرمة احنا حنينين الحنية والكرم ده تستخدمها في صناعات الخدمات اهم صناعة في العالم صناعة الخدمات لن نستخدم الكرك تر المصري والشباب لما تيجي هنا وتقعد معاها تقولك احسن حاجة في المصري شعبة الشعب المصري
د/عمرو عبد السميع : برضه انا مش عاوز تاخذنا تصورتنا عن ذواتنا الى هذا الحد يعني لابد ان احنا نعترف ان هناك قدرمن العدوانية اصبح جزء من الشخصية الوطنية في اللحظة الراهنة لية ؟
د/صبرى الشبراوي : لان انا مش عارف اخذ حقي من اللي خوف فبطلع غلي على اللي جنبي " فلانز فالم" قال كده
د/عمرو عبد السميع : " فلانز فالم " مؤلف كتاب المعذبون في الارض
د/صبرى الشبراوي : قال لو مكنتش عارف تاخذ حقك رايح مصلحة ومش عارف تاخذ حقك وعمالين يقولك تعالي بكرة وبقي لك سنة هتقابل حد هيقول انا زمان ابعد عني فانت لما بتبقي الدنيا سلسة والنظام سلس وبيدي لك حقك بتبقي سعيد اسعد ناس في الدنيا هما المصريين يعني وهما صائمين في رمضان بالليل بيرقصوا رقص ويغنوا غناء وشكلهم ناس حلوة
د/عمروعبد السميع : محبين للحياة يعني اذا اتيحت لهم فرص الحياة .
د/صبرى الشبراوي : اية اللي هيتحها مبقاش انا استاذ في الجامعة واقول بقول لهم اية قوموا وارفعوا راسكم هتبقوا احسن مني
د/عمروعبد السميع : يا سلام اقفوا وارفعوا راسكم اقفوا بجد .
د/صبرى الشبراوي : اقفوا وارفعوا راسكم وانا قولت لكم لو انت توقعاتكم لو قليلة تبقي مش هتكبره مفيش حاجة توقف بيقول لك الحدود بتاعتكم السماء اتفضلوا انا وانا في ثانوي المنصورة الثانوية كنت باقول انا هسافر امريكا الناس كانت بتضحك على ووالدي يقول لي هتسافر تعمل اية ويقولوا لوالدي ابنك ده متانزح وانا اصراري ان اسافر امريكا
د/عمرو عبد السميع : انت كنت متانزح ؟
د/صبرى الشبراوي : اه كنت متانزح ولازم اتانزح
د/عمرو عبد السميع : لية ؟
د/صبرى الشبراوي : لان انا كويس
د/عمرو عبد السميع : كل ما الشباب يجي يتانزح يقولوا له انت مغرورميبقاش عندك قدر من الزهو الذاتي ولاالسعادة الذاتية بنفسه
د/صبرى الشبراوي : انا لما جيبت قالولي هو بيتكلم كده لية هو فاكر نفسه اية انا كده عندكم احسن مني هتوة لي لو عندك جد احسن مني تعالي ينافسني
د/عمروعبد السميع : انا لا زلت عايز اعرف بيقولوا لك اية في الحزب لما بتقول الكلام ده ما تقول لنا بصراحة كده احنا قاعدين يعني مع ولادك وحبيبك ويعني
د/صبرى الشبراوي : الحزب بيسمعوا هناك في فجوة بين الفكر والتنفيذ امتي يتم التقدم لما المفكرين والعلماء
د/عمروعبد السميع : يردموا الفجوة دي ؟
د/صبرى الشبراوي : مش هما اللي يقفلوها المنفذون اللي في اديهم السلطة يسمعوا للمفكرين والعلماء انما انت في بلد لا تؤمن بالعلماء ولا المفكرون يقولك فلسفة ده بيتفلسف علينا مع ان اللي حرك العالم الفلاسفة مش كده ولا اية طيب لما تيجي تتكلم على حركة النمو الثقافي تتكلم على افلاطون وارستو فلاسفة طيب انا لما
د/عمروعبد السميع : فلاسفة الاغريق يا ولاد وكان في فنان تشكيلي شهير جدا اسمة رافئل رسم صورة شهيرة فيها افلاطون بيشاور للسماء وارستوا بيشاور للارض ارستو كانت فلسفته واقعية وافلاطون كانت فلسفته خيالية اتفضل
د/صبرى الشبراوي : اللي انا لما كانوا بيقولوا لي هتروح فين وبتاع من وقتها انا توقعاتي عالية لية بقي زرع في والدي الله يرحمه ان انا ذكي ومحدش اي حد يوصل لحاجة انت توصل لها مفيش حد احسن منك تعلمت الثقة في النفس وانا بقول لكم اهو محدش يهدم ثقتكم في نفسكم انت مصريون عندكم من المواصفات ما تدعم توقعاتكم عالية بيقول لك يا ابني لك وعلي قد لحافك مد رجلك قطع اللحاف ورمية وراء توقعاتك هتتعلم
د/عمروعبد السميع : توقعاتك من نفسك ومن الجماعة الوطنية ومن بلدك ؟
د/صبرى الشبراوي : بلدك انا عاوزاقول لكم حاجة انا لو مبحبش نفسي لو مش مؤمن بقدراتي هاجي اقعد معاكم ازاي هقول لك يمكن وربنا يسهل زي الناس العلماء اللي بيجو عندكم في البرامج يقولك لأ ان شاء الله احنا هنعمل مينفعش انت عندك لو مخ ربنا اداك مخ وارادة وادارة لنفسك لما تكون عايز تعمل حاجة اعملها لما تقول انا هعملها مش معني كده انك ناسي ربنا لأ ربنا معاك في كل دقيقة وبيقول لك اسعي يا عبد وانا اسعي معاك مبيقولش لك ادروش وادوشه كل شوية الكلام الفارغ ده انت تقول انا عاوز اوصل لده انا وانا في ثانوي قولت هاخذ دكتوراه من امريكا وهبقي فنان فانا فنان في علمي اللي يجي بعدي يقول لي انت مغرور اقول له لأ انت حقير لانك مش فاهم
د/عمروعبد السميع : دكتورصبرى فكرة ترد كثيرا في خطابك العلمي وفي خطابك السياسي وفي خطابك الصحفي حتي الجمهوري هي فكرة مناقشة ظاهرة الاحتكار يعني قولت مثلا انه الاسرة محتكرة بمعني انه الحقيقة مطلأ عند الاب وعند الام وقولت ان المجتمع يحتكر السياسة ويحتكر الاعلام وقولت ايضا ان الاقتصاد مؤسسة احتكارية لما بنعمل ضريبة جمركية على بعض السلع لصالح مؤسسات بعينها طيب في ظل مثل هذا الاحتكار هل يغيب الانتماء ام يحضر
د/صبرى الشبراوي : لأ الاحتكار يقتل الابتكار ويؤدي للانهيار احفظوا دي يا شباب علشان لما اموت تفتكروا الاحتكار يقتل الابتكار ويؤدي الى الانهيار وانت في البيت واحد افراد البيت محتكر السلطة هيهدك هو كده واعمل زي ما انا عاوز الديمقراطية لا تتجزءا في البيت في الشغل في المدرسة في الشركة وكده الاحتكار يقتل الابتكار ويؤدي الى الانهيار لما احنا اممنا كله واصبحت الحكومة هي المحتكرة قتلنا العلم في البلد والمؤسسات اديرت بتعينات واختيارات عفوية عشوائية المحافظين جم محافظة زي الجيزة كانت المفروض تبقي اجمل محافظة غي العالم وكان شارع الهرم ده فبدل ما نعمل شارع زي الشانزليزية ولا الشوارع اللي في ميونخ اللي مشية فيه الجيش الالماني قومنا عاملين شارع فيصل اد كده لية لان المحافظ عشوائي وتفكيرة عشوائي فبقت الجيزة عشوائيات الجيزة اجمل بلد في العالم جدا وحضارتنا تبقي كده معقولة مين اللي عمل كده احتكار الادارة وسوء الاختيار فالاحتكار بيؤدي الى سوء الاختيار وبالتالي مبيؤمنوش بالعلم وبالتالي العلم في مصر تاخر لاحظ انت ان الاحتكار مجموعة بتديرة واحنا عارفين كل حاجة ان بلد زي مصر ميزانيتها في البحث العلمي اقل من ميزانية شركات متوسطة الحجم في العلم
د/عمروعبد السميع : ما حضرتك في مجلس الشورى لما جم يناقشوا الموازنة العامة اثارت هذا الموضوع
د /صبرى الشبراوي : اثارته اه وقولته
د/عمرو عبد السميع : يبقي ازاي بقي توقعات الشباب عن نفسهم وعن بلدهم وعن الجماعة الوطنية تبقي توقعات كبيرة ؟
د/صبرى الشبراوي : يبقي الشباب يحارب هذه الظواهر معايا انا بحاربة اهو
د/عمرو عبد السميع : سمعتك غير مرة بتقول انك اسست موقع اليكتروني عايز تشد اليه الشباب اسمه الحلم المصري علشان الشباب يزعق معاك مش يزعق لك يزعق معاك ؟
د/صبرى الشبراوي : يزعقوا لي كمان انا معنديش مانع انما ما دام في قيمة مضافة بينا خلاص انا هقول لك لية انا امثل الحلم المصري والحلم الامريكي انا /صبرى الشبراوي كنت في المدرسة المنصورة الابتدائية المنصورة الثانوية لجامعة القاهرة لجامعة كاليفورنيا لاستاذ امتياز في احسن جامعات امريكا كويس ده حلم مصري انما حلم امريكي بدء الحلم الامريكي اية ازاي ان انا رحت امريكا معيش غير 100 دولار في جيبي وكان ممكن ياخذ مخدرات او افشل انما اصراري بذاتي والاساتذة اللي هناك والمؤسسات كل ما بيشتغل يفتحوا لي سكة يعني اية فتحتلي فوصلت الى اني اخذ جائزة احسن استاذ في الادارة
د/عمرو عبد السميع : دي كانت زمان غنوة للاطفال يقولوا افتحوا له السكة واضربوا له سلام اهو الامريكان عملوا كده
د/صبرى الشبراوي : واخد بالك وانتو شايفين امثال كثيرة مش انا بس زميلي اللي في امريكا كده النجاحات دى حلم امريكي واحد لما يبقي في جيبة 100 دولار ومبيعرفش انجليزي وجاي من جامعة القاهرة يعمل اية ده حلم
د/عمرو عبد السميع : برضه هرجعك ثاني لحكاية رجال الاعمال رجال الاعمال بيدعوا ان هما اللي ممثلين للحلم الامريكي ده ؟
د/صبرى الشبراوي : لأ مين فيهم
د/عمرو عبد السميع : كله ؟
د/صبرى الشبراوي : لأ الحلم ده ان انت بتطلع من طبقة لطبقة لطبقة لمستوي علمي لمستوي علمي بنزاهة مش بانتهازية في فرق بقي ده علم بقدرات مش باتصالات وعشوات وحسب ونسب ايوة انا اجيبهم لك واحد واحد واقراء الوفيات تعرف
د/عمرو عبد السميع : ايوه طبعا تعرف علاقات القربي والمصاهرة .
د/صبرى الشبراوي : الشباب دول انا بقول لية الحلم لان انا عايزكم عايزين نخلي المجتمع يحقق احلامكم الدولة تفتح السكك يعني اية الحلم الامريكي انت طالع من قرية تبقي رئيس جمهورية لية لأ ممكن تبقي رئيس الوزراء محدش يقول لك دانا يا راجل لما جيت ومعاي الشهادات ومعايا الكفاءات دي كلها قول انت عايز تبقي وزير ام ال عايز بقي غفير ام انت متخلف صحيح انا رئيس لجنة الحزب الوطني وعضو لجنة سياسات عايز في ابقي اية سباك الحلم المصري لازم يبقي فاتح السكة للقيادات الواعية المتعلمة الوطنية لها قدرة علي العطاء بعلم
د/عمرو عبد السميع : احنا دلوقتي حطينا العنوان الاليكتروني بتاع الموقع الحلم المصري على الشاشة عايز الشباب يعمل اية بقي ؟
د/صبرى الشبراوي : الشباب ان يشترك ويشارك بتسويق نفسهم الا ويبقي عندهم قدرات يسوقوا نفسهم ويبقي توقعاتهم عالية عملية التسويق هي سبب التقدم للفرد والمؤسسات والامة يعني احنا تسويق مصر في الصناعات بتاعتنا تعبان لان بنسوق بطريقة عشوائية بلد اهو مش عارفين عندنا قمامة تتلم مش عارفين نعيد تدويرها وتسويقها عندنا منتجات زراعية بتترمي في الارض ومبنطلعش ومفيش قيمة مضافة قدرتنا التسويقية بالنسبة لمقدرتنا ضحل فالتسويق جزء من الحياة بنستني لما يجي لنا واحد يفتح لنا مطعم ويبيع لنا السندوتشات والشباب تهو طيب احنا اية فين قدراتنا او السوق مقفول جوه وبره مش هننمو فالتسويق جزء من الحلم المصري ان انت تبقي عنك توقعات عالية وتحلم بمشروع لنفسك ومشروع لبلدك وتوشف انت هتركب فين يعني هتركب انهي طيارة توصلك العلم قدراتك التعامل قدراتك العلمية في جبهة معينة ولا هتبقي حلنجي
د/عمرو عبد السميع : الموقع ده عليه اية دلوقتي ؟
د/صبرى الشبراوي : عليه المقالات بتاعتي كلها وعايز الشباب يكتبوا ويوقوا ارائهم في المقالات دي وعايزهم يبقوا هما الاساس وانا ارجع وراء يعني انا دلوقتي الكلام بتاعي محطوط عايزهم يقراؤة ويكتبوا احسن منه وابقي انا اية خلفية تاريخي لان انتوا اللي هتصنعوا التاريخ احنا هنبقي التاريخ
د/عمروعبد السميع : انتوا اللي هتصنعوا التاريخ ونتواصل بعد الفاصل؟
فاصل
د/عمروعبد السميع : عدنا لنواصل التقليب في دفتر الانتماء الان موعد حوارك مع الشباب الحوار هو وسيلتكم للاندماج في الجماعة الوطنية الحوار هو طريقكم للارتباط بقضايا الوطن الحالية وادي ضيفنا اسألوه وناقشوة وحاوروة
كريم مصطفي محمد/ كلية الاقتصاد والعلوم السياسية الفرقة الثالثة علوم سياسية : الحقيقة اللي عندي ممكن يكون صادم لكن انا نفسي اقوله طبعا هاخذ طرف الخيط من كلام الدكتور الاهتمام بالفرد واهمية ثقة الفرد في الدولة واهمية ثقة الفرد في المجتمع في مجموعة من الرموز انا بنتمي اليها في مصر وفي منها رمز التعليم في مصر حضرتك في عنصرية في التعليم في مصر اية الفرق بين واحد ابيض وواحد اسود واننا افرق بين غني وفقير لما يكون الاثنين
د/عمروعبد السميع : عنصرية اجتماعية ؟
كريم : طبعا عنصرية اجتماعية لو في اثنين طلبة في تعليم حكومي في نفس الكلية ممكن يكون واحد منهم حاصل على مجموع اكبر من الثاني وده دخل قسم لانه قادر ماديا والثاني لأ طيب ده هيحس بسلبية فلا الانتاج ولا لأ حضرتك في رمز القانون القانون الي هو يمثل العقد الاجتماعي بيني وبين السلطة السياسية لما يكون تدني مستوي الطلبة اللي داخله كلية الحقوق واني انا ازاي اثق بعد كده في القائم فيه اللي هيتخرج بعد كده عندنا رموز اخري مثل رجل الدين رجل الدين الغير مؤهل ونرجع بعد كده نقول عوزين تغير في الخطاب الديني عندنا في رمز مهم جدا انا نفسي حضرتك تجاوبني سؤالي يحيرني الاعلام الاعلام اللي بيشكل وجدان الشباب المصري اللي موجود اللي بيطلع في المستقبل اية هو الفرق بين الاعلام والالهاء وهل ممكن اللي الفن اللي احنا بنتفرج عليه وهل ممكن الاعلام ده يكون مسيس لتوجيه عقول الشباب في نواحي معينة يعني لما اشوف فيلم زي ابراهيم الابيض واحد طالع عمال يموت في الناس وتاجر مخدرات والاخر يموت موته الابطال يكون قدوة للشباب لما اشوف برنامج اخر بيتكلم عن حرية المراة والتحرر وكانة ياتي بالحلم الامريكي وكل الحرية اللي بيتكلم عنها هو التحرر من الملابس لا اتكلم عن حرية المراة في التعليم ولا حرية المراة في انها تعيش في مستوي اقتصادي ولا حرية المراة انها تشارك سياسيا انا عاوز اسئل بس هل تحرك ولا جهل وتخلف
د/عمروعبد السميع : الله عليك يا كريم زميلك
هيثم الشرابي/ حزب التجمع محافظة المنوفية :البداية لا شك ان دور الفرد وتاثيره في المجتمع هو دور مهم زي ما الدكتور /صبرى ذكر غاندي واخرين لكن اين دور الجماهير يعني هل غاندي من غير جماهير الهندي مكنش هيبقي غاندي خالص عبد الناصر من غير الناس اللي وراه من غير الجماهير اللي و قفت وراه وامنت به مكنش هيبقي له دور مثال اللي حضرتك اتكلمت فيه عن سوء الادارة فيما قبل وفيما بعد والان يعني في مصر تمثل حالة في حالة احنا نعيشها في هذا الاسبوع وهي انفلونزا الخنازير انا تفاجئنا ان الجرائد ووزارة التربية والتعليم ووزارة التعليم العالي عمالة تضخ في منشورات وبيانات وتعليمات فكل المدارس انه خدوا بالكم واعملوا كذا وكذا وتفاجئنا ان في موضوع مهمل بقاله اكثر من عشر سنين الناس عمالة تزعق عليه وهو القمامة النهاردة اصبحت المنشطات على معركة القمامة نسيت وزارة التربية والتعليم وده سوء الادارة اللي بنتكلم عليه اللي بنتفق عليه مع الدكتور /صبرى مش في القمامة بس المشكلة الاساسية في انه لا توجد زائرات صحيات داخل المدارس لتستطيعوا ان هما يتكفلوا بالف طفل توجد زائرة صحية واحدة لا يوجد طبيب مقيم في المدرسة يقدر يتعامل مع الحالات اللي ممكن تعامل بها كوباء لا يوجد عمال مؤهل داخل المدارس
د/عمروعبد السميع : عندكم في المنوفية مفيش ؟
هيثم : زائرة صحية توجد في المدرسة زائرة صحية موجودة بقله اكثر من عشر
د/عمروعبد السميع : انت بلدكم اية في المنوفية ؟
هيثم : البتانون
د/عمروعبد السميع : البتانون ظهرت فيها هذه الحالة ؟
هيثم : انا طول الاسبوع لفيت على اكثر من مدرسة السنة اللي فاتت انا متابع موضوع الزائرات الصحيات بالذات لاني انا اكتشفت ان الزائرة الصحية لا تاخذ دورات هي كانت ممرضة وانتدبت لوزارة التربية والتعليم متاخذش دورات تتعامل ازاي مع الطفل هو الطفل يقول لها ان سخن او انا تعبان فتحوله على الوحدة الصحية الوحدة الصحية هناك تديلوا اللي تديهوله
د/عمروعبد السميع : اية كمان يا هيثم ؟
هيثم : الامر الثاني العمال دورات المياه النهاردة وزارة التربية والتعليم بتحارب الموضوع بالفنيك الفنيك ما هو ده اصلا المفروض انظف به لكن النهاردة مش معقول عندي عامل او اثنين ينظفوا مدرسة او يقوموا بنظافة مدرسه بها اكثر من 2000 طالب الاولاد دول النهاردة اولياء امورهم بدءوا بيقوموا عاملين العامل المساعد اللي هو يدي له الفوتة والكوباية الخاصة والزجاجة لكن المشكلة في اية كم التكدس
د/عمروعبد السميع : يعني انت عاوز تقول ان اجهزة الدولة خلت المواطنين بالوكالة يقوموا بادوارها هي ؟
هيثم : وده صحيح هي رمت على الموظفين العبء هي قالت طيب انا اعمل فترتين او اقلل كثافة الفصول استغل الفرق اللي عندك كل العامل لكن طول الوقت هينتقل الوباء واحنا قرانا في الجرائد ان القاهرة وسوهاج تقريبا قفلوا فصلين ثلاثة طيب هيفضل الامر عند منطقة ان هناك وباء وانت تتعامل معه بسوء ادارة
د/عمروعبد السميع : زميلتك
سالي رشدي بكالوريوس اقتصاد وعلوم سياسية
د/عمروعبد السميع : ما قلنا لك ارفعي راسك ارفعي صوتك كمان
د/صبرى الشبراوي : سالي رستم
سالي : رشدي حضرتك ذكرت في موضوع هو العلاقة بين المواطن والدولة لكن انا بصراحة افضل انها تكون علاقة رؤية العلاقة بين المواطن والحكومة زي ما حضرتك شرحت من شوية في فرق ما بين الحكومة والدولة وده فعلا حقيقة ضمن المفاهيم المختلطة عندنا بصفة عامة في مصر ثم لو جينا وشوفنا نظريات العقد الاجتماعي بصفة عامة حضرتك في العلاقة بين الافراد والحكومة بمعني الافراد دول يتنازلوا عن جزء من حقوقهم للحكومة مقابل انها تقوم بالادارة تنظيم شئون حياتهم لكن في حلأ مفقودة في الموضوع موضوع الرقابة يعني انا لغاية امتي افضل اتنازل للحكومة علشان يدير شئوني وفي نفس الوقت نفسه الحكومة مش قادرة تقدم اللي انا عاوزة فانا
د/عمروعبد السميع : الله الله احنا ثورسين قوي النهاردة
سالي : فانا شايفة ان مفيش وظيفة رقابية حقيقة عن طريق البرلمان بمعني اننا من وقت انشاء البرلمان في مصر مفيش ولا مرة حصل سحب الثقة من الحكومة تمام لية مفيش سحب الثقة من الحكومة لان البرلمان
د/عمروعبد السميع : بتبصي لي لية انا امنعك انك تقول الكلام ده .
سالي : بمعني ان البرلمان مش قادر ان هو يقوم بدورة مش عارف يمثل النواب بتوعه صح رغم ان النواب مفيش من الناخبين رضاء عام عنهم ورغم كده البرلمان مش قادر يقوم بدورة في الرقابة على السلطة التنفيذية رغم التعديلات الدستورية الاخيرة اللي اعطت للسلطة التشريعية بعض المزايا والسلطات الجديدة وهو اقرها زي تعديل الموازنة العامة للدولة لو جينا مثلا نشوف موضوع البحث العلمي من حق مجلس الشعب ان هو يعدل في الموازنة طي لية مش قادر ان هو ير فع من موازنة البحث العلمي في مصر رغم ان هي اقل من موازنات عالمية تقريبا ولو جينا نشوف بصفة عامة بينها وبين اقل الدول الجوار في بعض الدول المجاورة لينا في ناس اطلقوا عليهم دول عندهم 23 براءة اختراع واحنا في الوطن العربي كله معندناش ولا براءة اختراع فازاي احنا مش مهتمين بالموضوع البحث العلمي رغم ان هو اعتقد انه العمود الفقري للتطوير والتنمية بصفة عامة فانا عاوزة اسئل حضرتك متي يكون ثقل او وزن للمواطن في النظام السياسي المصري وشكرا
د/عمروعبد السميع : تمام زميلك
محمد فياض محامي حزب التجمع : انا شايف ان طالما ان احنا عمالين نناقش في عملية الانتماء فده تسليم بان قضية الانتماء تتعرض لمخاطرة وانا شايف ايضا ان قضية الانتماء مرهونة في الاساس على علاقة حب بين الوطن والمواطن وانا شابف ايضا ان علاقة الحب هذه اصبحت علاقة حب من طرف واحد وده ادي الى وجود مشاكل كثيرة الموجودة في المسالة الانتماء
د/عمروعبد السميع : طيب خدت بالك انت قلت اية يا فياض انت قلت علاقة حب بين الوطن والمواطن وانها بقت علاقة حب من طرف واحد استطيع ان اتنباء انك تقول ان الطرف ده هو المواطن يعني معني كده ان الوطن بيكرهنا
فياض : انا هبرن ان الوطن بيكرهنا الوطن هنا مش البلد والتراب والناس لكن الوطن هو نظام الحكم المهيمن او اللي بيدير شئون هذا المواطن او هذه الدولة
د/عمروعبد السميع : انت بقي بتفرق لازم تفرق ما بين الوطن وما بين الحكومة .
فياض : ما بين الوطن والحكومة ما هو مش مفترض ابدا ان يبقي في علاقة حب ما بين المواطن والحكومة
د/عمروعبد السميع : لية اذا كانت الحكومة تلبي الاحتياج بتاع مواطنيها اذا كانت الحكومة تسعد هؤلاء المواطنين بانتهاجها السياسات تؤدي الى تحقيق مصالحهم ليه ميحبهاش هو احنا بتولد كده اعضاء في حزب التجمع وبنكرة الحكومة ؟
فياض : نحن لا نكرة ليس هناك كراهية مفترضة بين المواطن وبين الحكومة الحكومة التي تلبي الحد الادنى لمطالب الجماهير نهتف لها في الشارع ونشيلها فوق الاعناق
د/صبرى الشبراوي : اية هو الحد الادنى لية التوقعات الوطنية ؟
فياض : اذا كانت الحكومة الموجودة وصلت المواطن المصري الى ان يهان في طوابير العيش وان يهان وهو بيحصل على خدمة التعليم والتعليم الموازي هناك فئة في هذه البلد من يحضل على او من اللي بيعرف من حصيلة الناتج القومي ناس لها كل الحقوق وناس عليها كل الالتزامات احنا محناش في وطن
د/عمروعبد السميع : تمام زميلك
احمد البنداري كلية الحقوق جامعة القاهرة وعضو امانة الشباب المركزية الحزب الوطني :كلية الحقوق طبعا ما زالت كلية العظماء بارد على زميلي كريم
د/عمروعبد السميع : ده بمناسبة ان انت طالب في كلية الحقوق
احمد : هو قال ان مستوي الطلا ب في تدني بالعكس
د/عمروعبد السميع : انا شايف ان كلية الاعلام هي كلية العظماء وسالي وكريم شايفين ان كلية الاقتصاد هي كلية العظماء
احمد : ده وجهة نظر حضرتك
د/عمروعبد السميع : دي وجهة نظر نسبية جدا يعني الدكتور صبرى قال لك الزهو بالذات بس مش عبادة الذات
احمد : لأ طبعا مش عبادة الذات يا دكتور كلية الحقوق لو حضرتك لو بصيت لمعظم كبار رجال الدولة هتلقيهم متخرجين معظم اللي انا شايفة من كلية الحقوق
د/عمروعبد السميع : جبتها منين النسبة دي قول لي معظمهم دية جبتها منين مش صحيح على فكرة ده زمان ايام سعد باشا زغلول اللي انت بتقوله ده دلوقتي بقت التخصصات فنية جدا بقت تخصصات هندسة على وجه التحديد موجودة وممثلة في الحكومة في اكثر من وزير
احمد : حضرتك من فترة الرئيس عبد الناصر مكنش في حد ماسك من كبار رجال الدولة خريجين حقوق
د/عمروعبد السميع : انت بتكلمني على عهد الرئيس عبد الناصر ولا بتتلكم على دلوقتي ؟
احمد : دلوقتي حضرتك في خريجين حقوق ماسكين مناصب في الدولة
د/عمروعبد السميع : مقلناش لأ لكن ما هماش الغالبية زي ما انت قولت
احمد : ماشي مهماش الغالبية ثانيا النقطة اللي حضرتك اتكلمت عليها اللي هي الحلم الامريكي يعني حضرتك شايف بالنسبة للحلم الامريكي دي دعاية للشباب ان هما يخرجوا من البلد او انت شايف حضرتك النقطة اللي معرفتش اوصل لها بالظبط حضرتك شايف ان التعليم ماعدش مؤهل دلوقتي في مصر حاليا ان هو يخرج علماء بالقدر الكافي فيخرجوا ياخدوا تعليمهم برة
د/عمروعبد السميع : تمام زميلك
عبد الرحمن زلط صحفي في جريدة صوت الامة : انا كنت عايز اسئل اقول كيف نواجه الواجبات الوطنية الانتمائيه لمشاريع وطنية واقصد بالواجبات
د/عمروعبد السميع : عبد الرحمن براحة كده كيف نوجه ..؟
عبد الرحمن : الواجبات الانتمائية الوطنية
د/عمروعبد السميع : يعني تحقيق فكرة الانتماء عن طريق مشروعات ؟
عبد الرحمن : الواجبات يعني اقصد بالواجب اللي اتكلم عليه الرئيس الراحل عبد الناصر وقال انا انزل لما كان يتنحي عن الرئاسة قال انا هنزل لصفوف الشعب اؤدي واجبي مثل اي مواطن الواجب ده ازاي نوجهه وكمان عاوز اقول
د/عمروعبد السميع : انت منين يا عبد الرحمن ؟
عبد الرحمن : من طنطا لية ما نوجهش الواجبات دي لمشاريع وطنية زي مثلا مشروع مستشفي 57357 ولية ما نخليش الناس يعني تساهم في حاجة هما كلهم بيساهموا فيها وكل طوائف الشعب بيسهموا فيها
د/عمروعبد السميع : انت بتقصد المشروع الاهلي اللي كلنا بنشارك فيه وتحقيق فكرة تمام زميلك
مصطفي هيكل : في الواقع الدكتور /صبرى تفضل بالقول بان الحكومة تختار قيادتها بطرق غير سليمة ومن ثم تكون هذه القيادات محتكرة كل شيء فيؤدي هذا الاحتكار لقتل الابتكار وانا اريد ان اسئل كيف نخرج جيل من الشباب او نخلق جيل من الشباب لكي يكون قادر على الابتكار وبالتالي تختارهم الحكومة بطريقة سليمة ومن ثم يخدمون وطنهم وبلدهم خاصة في ظل القضية التي نتحدث فيها وهي قضية الانتماء التي اصبح كل شاب في الدولة مفتقرا اليها
د/عمروعبد السميع : شكرا يا هيكل زميلك
احمد الملك امين اتحاد كلية شريعة وقانون بالقاهرة : حضرتك يا دكتور /صبرى نوهت في الاول خالص ان الحكومة علمت تعليم وحش جميع خدمات الحكومة فاشلة منذ خمسين عام والان حكومة رجال الاعمال اضعف
د/عمروعبد السميع : انت عمرك اد ايه يا حبيبي ؟
احمد : ده كلام الدكتور صبرى
د/عمروعبد السميع : اه انت بتنقل كلام الدكتور صبرى علشان تناقشة طيب اتفضل
صبرى : انا مقلتش بقلها خمسين عام تعليم وحش انا اتعلمت تعليم كويس
احمد : انا يا فندم مش بتكلم على موضوع التعليم انا بتكلم على خدمات الحكومة مش على التعليم بس
د/صبرى الشبراوي : اه الخدمات وحشة
احمد : منذ خمسين عام و الان حكومة رجال الاعمال افضل ولكن لم توصلنا الى شيء غير زيادة الاسعار هبوط في مستوي التعليم زيادة الامراض قلة والوعي السياسي حضرتك قلت حكومة رجال الاعمال خارجيا استعانت بمديرين لكي ينجح العمل واحنا هنا للاسف اغلبنا مش كلنا مدير اقفوا وارفعوا راسكم ازاي مع هدم الوعي الثقافي والسياسي وزيادة الاسعار والمشاكل اللي احنا فيها دي
د/عمروعبد السميع : يعني انت يا حبيبي عاوز توطي راسك ؟
احمد : لأ انا مش بتكلم
د/عمروعبد السميع : ارفع راسك دي كلمة مجازية معناها ان تنتصر لحقوقك وان تقف وراء مطالبك بقوة وتستمر ولا تيئس شيئ عن وعن طريق الوسائل السلمية في مجتمع ديمقراطي لم يتغير الا بهذه الطريقة انت شايف طريقة تانية
احمد : هو يكفي حضرتك امريكا تفتح سكة للموهوبين هنا في مصر يفتحوا سكة للمحسوبية
د/عمروعبد السميع : تمام زميلك
شريف مدحت محمد كلية اقتصاد وعلوم سياسية : مفيش دولة في العالم يحكمها رجال الحكم او حضرتك اطلقت عليهم رجال الدولة ما يحكمهاش رجال اعمال بس في الحقيقة انا اختلف مع حضرتك في النقطة دي انا شايف ان النظام لما يحط ضوابط ويحط حاجات اساسية تكفل للنظام استمراره وتكفل للنظام ان لو جيه واحد شيوعي يحكم يطبق الاهداف بتاعت النظام ويطبق دستور الدولة وانا الحقيقة شايفة المثل ده موجود في الولايات المتحدة الامريكية ان الرئيس برضه في تبرعات الحملة بتاعت الدعاية تقريبا يعمل
د/عمروعبد السميع : تقصد تقول ان الاتجاه الفكري او السياسي ملوش علاقة بالمصالح القومية المصالح القومية دي محل اتفاق الجميع في اقصي اليمين او في اقصي اليسار ؟
شريف : وفي ذلك ان رجال الاعمال ما ينفعش نحرمهم من وطنيتهم ونقول لهم ما تنفعوش تحكموا وبرضه الوطنية حضرتك اتكلمت في الوطنية ان انا حاسس بالامان في وطني بحقق احلامي في وطني هل معني كده ان المصريين في الخارج معندهمش وطنية وبركز على اخر حاجة ان احنا الى جانب الاصلاح نحتاج الى صناعة الرجال اللي هي عنت طريق التعليم عن طريق الاعلام عن طريق التنمية البشرية
د/عمروعبد السميع : تمام زميلك
عبده جمال صحفي في جريدة صوت الامة وطالب باعلام جامعة الازهر : حضرتك اتكلمت عن رجال الادارة ورجال الاعمال ناهزين الفرص وكمان اتكلمت عن الحضارة طيب انا عاوز اعرف اية معني الحكومة تبيع او تخصص مؤسسات مصرية لمستثمرين اجانب يمتنعوا عن تادية حقوق العمال زي مثلا شركة طنطا للزيوت والصابون حاجات كثر قوي منعها عنهم المستثمر السعودي وكمان عاوز اعرف ده بسبب رجال الاعمال المصلحجية ام الوزراء الذين ياتون من الخفاء
د/عمروعبد السميع : تمام زميلك
اسلام محروس كلية حقوق جامعة القاهرة : حضرتك قلت ان الاحتكار يقتل الابتكار ويؤدي الى الانهيار طيب اية هو دور الشباب علشان يتغلبوا على هذا
د/عمروعبد السميع : طيب انت اية سبب استخدامك للورقة سيب الورقة واتكلم
اسلام : اية هو بقي دور الشباب واللي هم ممكن يعملوه علشان يواجه الاحتكار خصوصا ان في ناس تقف امامهم عوائق علشان ما يوصلوش الي اللي هما عوزينة
د/عمروعبد السميع : يعني انت متصور ان الواحد اذا واجه اي عائق او محاولة لاعاقته ينبغي ان يستسلم له
اسلام : لأ انا ما قلتش كده
د/عمروعبد السميع : ام ال اية ؟
اسلام : هما في شباب عندهم قدرات متميزة وعندهم امال وطموحات كبيرة عوزين يوصلوا لها بس في ناس بتقف امامهم عقوبات علشان ميوصلوا مثلا للمرحلة دي
د/عمروعبد السميع : يقوموا يعملوا اية بقي ؟
اسلام : احنا عوزين نعرف اية اللي يعملوه علشان يوصلوا للي هما عوزينة من الدكتور
د/عمروعبد السميع : يعني يعملوا اية علشان يعرفوا يحققوها تمام زميلك ؟
ابو بكر فوزي ثالثة اعلام جامعة الازهر : يعني من هذا الحوار انا استفدت الى حد ما خيرنا
د/عمروعبد السميع : يعني اية استفدت الى حد ما ماهو استفدت يا مستدفتش ؟
ابو بكر : على قد فهمي انا جملة خيرنا لغيرنا
د/عمروعبد السميع : فهمك يا حبيب اد الدنيا متقلش علي اد فهمي المفروض انك تفهم زيك زي اكبر مفكر في هذا البلد تبذل مجهود علشان تصل الى حقائق الحياة والى حقائق السياسة والى حقائق مطالبك على نحوا كامل .
ابو بكر : يعني خرجت بكلمة خيرنا لغيرنا كعلماء كلاعبي كرة قدم كسياحة يعني احنا عندنا في مصر علماء كثير جدا كلهم خرجوا الى الخارج هل العلماء وجدوا لتذكية العقول ام لجمع النقود
د/عمروعبد السميع : طيب زميلك
اسلام رضا كلية حقوق جامعة القاهرة الفرقة الثانية : دلوقتي حضرتك في بداية الحوار قلت ان الحكومة جزء من ضمن السياسات من ضمن مؤسسة من مؤسسات المجتمع المدني والحكومة احتكرت السلطة اية دور الشباب لتفعيل هذه السلطة
د/صبرى الشبراوي : دور الشباب في المشاركة في السلطة
د/عمروعبد السميع : يعني اذا كانت الحكومة احتكرت السلطة يبقي اية دور الشباب علشان يشاركوا في هذه السلطة يكسرهذا الاحتكار مش كده تقصد كده ؟
اسلام : احنا معندناش ثقافة تغير المواقع يعني عندنا هنا يعني احتكار المواقع
د/عمروعبد السميع : زميلك
محمد رضوان محمد كلية تجارة امانة الشباب المركزية الحزب الو طني : حضرتك في نقطيين اثناء حوار حضرتك عملوا لي ربكة من خلالهم حسيت برعب من اللي جاي اولا
د/عمروعبد السميع : مش باين عليهم اه .
محمد : حضرتك الكلام في الاحساس هو الاحساس مش بيبان على الوش لان الاحساس ده يبقي نسبي يبقي نابع من خلال الانسان يشوف واقع مرير امامه الواقع اللي احنا نعاني منه اللي هو امثال اية مثلا زي ما زميلي ذكر في فيلم ابراهيم الابيض الفيلم ده اتعرض والشخص ده اصبح بطل شخص مجرم يصبح بطل في اخر الفيلم فده شيء المني قوي واحزنني حاجة ثانية ان في افكار مسمومة دائما تروج بين الشباب جميل ان الثقافة الغربية هي اللي هتقدمنا هي اللي هتخلينا دائما في عملية تقدم لأ الثقافة الغربية احنا عندنا ثقافة عظيمة جدا هي الثقافة الاسلامية حضارة عظيمة وحكمت ثلثي الارض لكن النقطيين اللي رعبوني حقيق وكنت حابب اني اتكلم فيهم ان الدكتور قال ان بعد حرب 73 بدا القادة يكون فيها عملية عشوائية هل من بعد حرب 73 الانتماء للوطن بدا يتلاش ده السؤال الاول
د/عمروعبد السميع : ان عملية الاختيارات اللي تمت بعد الحرب في المؤسسة المدنية .
محمد : الاختيار اصبحت عملية عشوائية ده رقم واحد السؤال الثاني اللي محيرني وتاعبني بجد برضه
د/عمروعبد السميع : انت تعبان ومرعوب وحيران متخليك زينا كده احنا قاعدين في استوديو التلفزيون مش في بيت رعب يعني هو انا لابس لك وش يا ابني خلينا كده
محمد : مستقبل البلد يا دكتور مهم لازم لما اتكلم
د /عمرو عبد السميع : حلو انك تبقي قلقان بس ما تستخدمش كلمة مرعوب كثير ام ال هتواجه ازاي ؟
محمد : طيب ماشي ما احنا عوزين نستفسر برضه الدكتور يقول لنا ويفهمنا ويوضح لنا الى اي مدي ستقودنا الاحتكارية العشوائية في المستقبل
د/عمروعبد السميع : تمام يا حبيبي يالا يا دكتور تعقيبات واجابات على اسئلة هؤلاء الشباب جميعا ؟
د /صبرى الشبراوي : انتوا اكدتم لي ان رغم المشاكل والصعوبات اللي انتم فيها ان الانسان المصري عنده طاقة كامنة وبتطلع في مناخ صحي للحوار فانا اقول لكم حاجتين اولا القلق بتاعك في فرق بين القلق الصحي والقلق الغير صحي القلق ممكن يبقي غير صحي لما تبقي اية بتقول مفيش فائدة وكده انا مع القلق الصحي واحنا اللي بنعمله ده بنقلقكم علشان تقلقوا الناستفوق تقوم تحارب لحقوقها انا معاك انما بتقولش بقي مرعوب وخايف وتقفل على نفسك او ده وتعيش انت قلقك يبقي صحي وتواجه واخد بالك يعني انا مثلا انا لو المجاري طفحت ممكن مبقاش قلقان واقوم حاطط طوبة وماشي وسط المجاري او اقلق واروح عند المحافظة وقالب الدنيا ان و20 واحد وقايلهم الراجل ده مينفعش لانه معيشنا في المجاري وفي الزبالة ونغيره تبقي بتاخذ موقف بدل ما تتعايش مع المشكلة تواجه المشكلة انت وزملائك
د/عمروعبد السميع : لكن اسلام قبل رمضان قال ان احد المشاكل الحقيقية عندنا ان مفيش حد بيتغير ؟
د/صبرى الشبراوي : لان مفيش حد بيطلب التغيير ما هو انت اية قوة القائد تتحدد بضعف التابعين او قوتهم لو قبلوا يضربوا على دماغهم خلاص مقبلوش هيحدد قوتهم اي اي قائد في اي حتة في اي موقع يعني انا لو استاذ جامعة وجبت واحد وقلت له امسح السبورة وشيل الشنطه وقبل غالبا هيبقي طالب خايب الطالب الشاطر الكويس مش هيقبل مش كده ولا اية فانا اطمئنيت على قدراتكم في الفهم والحوار وفي طاقة كامنة بتطلع لما بتلمع المخ فهناك فرق بين الاستثمار في العقل والاستثمار في البطن احنا بندفع 120 مليار جنية استثمار في اية في البطن العيش والاكل والزيت والسمن بطن كلها حاجات مرضية مجناش قولنا ناخذ من 120 مليار دول 20 مليار للبحث العلمي محدش وقف جنبي في المجلس يعني في بيطالبوا انما محدش واجه الحكومة وقال لها ان معملتيش كده تمشي بنتكلم في مشاكل محدودة ضيقة لمصالح يعني لازم نتكلم في المشاكل الكبرى اللي تحل مشاكل كبري انما احنا برضه توقعاتنا ضحلة من نفسنا وخجي مثلا للكلام اللي قاله كريم مصطفي في الاول قال لك في رموز بتبين الدولة ماشية فين التعليم والعنصرية في التعليم والتمييز في التعليم بين الغني والفقير انا ضد هذا تمام
د/عمروعبد السميع : ضد اية ضد السلوك الحكومي ولا ضد كريم ؟
د/صبرى الشبراوي : ضد ان يبقي في تمييز وعنصرية لو في عنصرية مكنش اوباما بقي رئيس جمهورية يعني السود في امريكا اللي بدءوا عبيد حاربوا لحرياتهم وفرضوا رئيس جمهورية اسود على امريكا ليه مخدوهاش ببلاش
د/عمروعبد السميع : يبقي احنا واحنا رايحين ننتخب حد في مجلس الشعب او ننتخب حد في اي مستوي او درجة لازم نشوف سياساته اية ازاء التعليم اللي هو رمز من الرموز اللي اتكلم عليها كريم وبناء عليه ائيده ولا لأ ؟
د/صبرى الشبراوي : انت الرموز اللي بنتكلم عنها هي دي اساس في فلسفة ادارة البلد لو الرموز دي ضاعت ضاعت البلد علشان كده لازم تحاربوا كده يعني لا تقبلوا تعليم فاسد ولا تقبلوا تغييب للقانون ومفيش عدالة وانت قلت كمان اية الخطاب الديني مش كده
د/عمروعبد السميع : اتكلم عن الخطاب الديني والخطاب الاعلامي ؟
د/صبرى الشبراوي : الخطاب الديني لما يبقي مدروش عمال يكلمك في عذاب القبر او عمال يقولك انت هتروح في داهية طول حياتك طيب هتعيش ليه ده ربنا خلق الدنيا علشان نستمتع بها ونحب بعض فيها والدين عمل ومعاملة ولا بنشتغل ونعمل ولا بنعامل بعض متدينين اية ونيلة اية لازم نبقي نفكر في اساس الدين وهو العمل والمعاملة الفروض اللي عليك عليك فروض بينك وبين ربنا هو اللي هيحاسبك ومحدش ثاني هيحاسبك الخطاب الديني عمالين معرفش انا دلوقتي بيقولوا اية فيه انما انا مرة رحت اصلي الجمعة فواحد قعد يقول لي لو اشتريت خروف قبل العيد وعينة عاملة كلام يعني انا عقلي بعد هذا التعليم اسمع عن واحد غيب بسبب واحد سلفي من الف سنة يحكي لي قصص وانت متعلم ده بنت بنتي متعلمة احسن من في الكمبيوتر ماسكة الكمبيوتر وهي عندها 3 سنين يعني بعد عشر سنين هتفهم ادي مائة مرة فانا ارجع وراء الف سنة علشان واحد قاعد في الصحراء هيقعد يحكي لي حكايات واخرج مصدر لحكمة في حياتي يبقي تغيب فالخطاب الديني لازم يكلمك عن العلم مش الفقة العربي لأ العلم اللي يقدمنا الناس بيتكلم عن الجينات
د/عمروعبد السميع : عن الهندسة الجينية ؟
د/صبرى الشبراوي : واحنا بنقعد نتكلم عن الكلمونجيا انت حاربت اسرائيل وكسبت باية بالتكنولوجيا ولا بالكلمونجيا يوم ما دخلت التكنولوجيا في الجيش كسبت انما هتتكلم بالكلمونجيا بقي اقعد قول اي كلام فانا موافق معاك في الكلام ده
د/عمروعبد السميع : كريم ورمضان هما الاثنين اتفقوا على انهم يتكلموا عن احد الافلام بوصفة تجسيد لخطاب العنف في الاعلام وان هذا الخطاب فيما يتصورا مضر بالمجتمع وبحركته والانتماء حتي في معناها الصحيح
د/صبرى الشبراوي : هيثم اتكلم عن القيادة ومفيش قيادة بدون ناس انما الناس دي مين اللي بيحركها ومين اللي بيديها ومين اللي بيحيي ضميرها انا بحب وفي صغري وما زلت باحترم قيمة عبد الناصر في انه كان قائد محرك لمشاعرنا الوطنية انما جاب ناس حولية لم يديروا البلد كويس يبقي انا افضل احبة عمياني ولا اقول لما يجي قائد ثاني يبقي يدير يجيب ناس كويسة
د/عمروعبد السميع : ما هي دي القراءة النقدية السياسية يا دكتورصبرى .
د/صبرى الشبراوي : ما انا عارف يعني انا عاوز اقولك الرئيس عبد الناصر كان في مزايا جبارة انما اخطر مشكلة فلسفة ادارة البلد ومن يدير الرئيس السادات كان مثلا عنده ميزات حلوة لازم نتعلم منها مكنش ياكل كثير وكان محافظ على شكله وجوهرة وكان راجل حالم وكان راجل مسيس كان في ميزات جبارة انما في اخطاء لازم نمسكها ونقول دي لأ منقبلهاش برضه الاختيار في بعض القيادات وبرضه التحكم في حاجات تانية انا
د/عمروعبد السميع : وفكرة ضرب تيار فكري بتيار فكري اخر الى اخرة ؟
د/صبرى الشبراوي : الرئيس مبارك في ميزات جبارة لية لانه برضه ملتزم وبيلعب رياضة وعنده احترام وقتة واحترام وبيشتغل جامد جدا انما في حاجات برضه انا بختلف معاه فيه عايزة تتغير وقلتها في الحزب عايزين نقبل التغيير وعايزين التغير في القيادات بطريقة اسرع وعايز منهج لادارة الامة لان بلد مصر كبيرة قوي يعني انا بسمع زي ما واحد منكم قال بيجي لنا واحد اجنبي يستثمر وياخذ مننا الارض يصورها ويرسمها ويبعتها لنا بعشر اضعاف احنا ما بنعرفش التصميم معندناش مهندسين معندناش علماء والعلماء بقي واحد قال العلماء بيبحثوا عن الفلوس وسيبين مصر لأ ما هو انت جيب لي عالم قعد 30 سنة يتعلم تيجي تعيشة تقول له اركب بسكيلتة وشوف واحد جانبه عنده عشر عربيات واحدة وراءه وواحدة امامة وجاهل لأ تموتوا تقتلوا راجل بيحافظ على نفسه مش زي كده حاطت نفسه في النار مش كل الناس عندها القادرة انها تحارب وتقع وتقف انا كان ممكن اموت ومت فعلا يعني واخد بالكم فانا يعني العلماء لازم لما يكون عندك ابن ومربية وبتعلمة لازم اية تحطه في حضانة تحبه وتحترمه انما العلماء بتعنا مجدي يعقوب اهو رجع عمل مستشفي رغم اللي حصل له وغيره عندك علماء الطاقة النووية المصريين في امريكا محدش بعت لهم جواب تعالوا شوفوا بلدكم اهو انت نحتاج اه خبرات في الطاقة النووية علشان تطلع زيهم عايزهم 50 سنة ما احنا بنهدر قيمة الندرة بتعته عندما تهدر البلد ندرتها اللي هي القاطرة اللي بتشد كل حاجة ضاعت البلد وانا اية مفيش حد في الدنيا بيحرم نفسه اد ابائنا وامهاتنا علشان يعلموا ولادهم وبعد ما يحرموا نفسهم وما يعيشوش حياتهم ويطلعوا ولادهم نوابغ نقوم نرميهم ده كلام انت عايز قيادات تحب العلم وتحب الناس وتحب مصر وتحب المصريين لو محبوش نفسهم مش هيحبوا بعضهم ولا هيحبوا غيرهم فالقيادات مبتكتشفش مواهبنا بتكرة نفسها وعندهم امراض نفسية ولا تصلح ان تكون قيادات الادارة انا بقول لكم حسم وعدل تعني تبقي عادل وحاسم مفيش ادارة بتميز ده عن ده وتبقي ادارة كويسة مفيش ادارة مش حاسمة يعني خذوا القمامة اللي بتتكلموا فيها ازاي محافظ يقبل ان يقعد في القمامة ديه وميجمعش الاف الشباب ويجيب لهم عربيات ويلبس هو افارول وينزل ينظف ويبقي اول واحد دي حرب ده انت بتحارب ضد المستعمر الداخلي القمامة ممكن تستعمرك وممكن محافظ متخلف يستعمرك وممكن محتكر يستعمرك الجيش بيحابر علشان يحارب الاستعمار بره انما برضه لازم يحمينا من المستعمرين جوه وعلشان كده وعايز اقول لكم حاجة انا مباخترعش الجيوش بعد الحرب العالمية الثانية قاموا بالحروب دخلوا اقاموا مشروعات ونظفوا وبنوا طرق لان عندك جيش متمرن ومتمرس ومتقدم يمسك مشروعات كبري ويحققها احنا مش في حالة حرب الحمد لله لان حاربنا و كسبنا وعملنا موقف بطولي عالمي ارضنا عندنا
د/عمروعبد السميع : هو دلوقتي الجيش اللي بيعمله اللي حضرتك بتقوله ده .
د/صبرى الشبراوي : الجيش ممكن يعمل اكثر وياخذ الاف الشباب ويدربها ويعمل تعبئه وطنية و جيش مدني للمشروعات المدنية ومنقعدش نجيب شركات من بره تنظف لنا بقي بلد مش عارفة تغسل نفسها متعرفش تاخذ دش وتنظف نفسها تجيب شركة اوروبية واحد خواجة اية الزبالة دي انا ضد تاجيل المواقف يقول لك استني وامامنا خمس سنين على ما ننظف البلد لو محصلش في خلال شهر وعملنا تعبئة والمدارس تقفل و الطلبة يروحوا ينظفوا يبقي احنا مبنحبش البلد لان الحرب ضد الفقر والحرب ضد الامراض هي حرب قدسية لان الاستعمار مش في شكل المستعمر الاجنبي تجيب مشروعات وتسرف عشرات الملايين مليارات على المترو وحوله زبالة بس كده في المترو لما كانت الشركة الفرنسية هنا قال لك كويسة طيب احنا كمصريين لأ محنش على قدر التكنولوجيا يبقي نلعب بره نجيب بقي خواجات يديروها انا مقتنع ان مصر بتعبئة الادارة جديدة ادارات وشباب جديد تقدر تدير وتحقق اهداف رهيبة جدا وانا بقول اه امامكم الجيش يحمي الديمقراطية ويحمي الحرية ضد اي محتكر واي مستعمر داخلي ينهش في عظام البشر لارباح غير عادية واستنزاف الشعب من موارده وهذا دور الجيش في دول كثرة قضية بقي الدين والسياسة الدين بعيد عن السياسة خالص الدين الناس اللي عايزة تلبسنا طرح وتاخرنا الاف السنين دول انا احاربهم حتي الموت وانتم المفروض تحاربوهم حتي الموت لانهم هتاخر وطننا الغالي و الوطن هو ما اجد فيه نفسي في واحد قال ان الحلم الامريكي اية ان احنا نخرج ونحققه بره لأ ان الحلم الامريكي هو اللي خلي اوباما من ابن سلاسة فيها عبيد الى رئيس جمهورية هو ده الحلم اللي انا عاوزة ليكم
د/عمروعبد السميع : المعني ؟
د/صبرى الشبراوي : المعني الفكرة ما انا سبت امريكا وجيت للحلم المصري ما انا عندي حلم هو انتم فاكرين ان انا كنت عاوز ابقي كده بس لأ انا كنت عاوز ابقي اكثر من كده مائة مرة انما الحر ب حرب التخلف ضدي خلتني سعيد باللي انا فيه انما انا عاو ز منكم ناس تحلم اكثر مني والحلم المصري ان انت يبقي عنك امل في الوصول الى اعلي مستوي شكرا اتفضل
د/عمروعبد السميع : دكتورصبرى احنا دائما نسال في نهاية حلقات الانتماء سؤال تقليدي يعني اية كلمة وطن ؟
د/صبرى الشبراوي : الوطن اللي بتلاقي فيه نفسك وتلاقي فيه احترامك لذاتك وتحقق فيه عندك امل في تحقيق احلامك
د/عمروعبد السميع : الوطن هو اللي بتلاقي فيه نفسك وتلاقي احترامك لذاتك وتصل فيه لاحلامك او امالك والنقاش مستمر وحالة الحوار قائمة وعلى لقاء ان شاء الله