أحمد رفعت يكشف كواليس حوار «الطرد» مع الصباحي: «قالي مطبطبش عليا»

كشف لاعب الوسط أحمد رفعت، كواليس الحوار الذي دار مع حكم مباراة الأهلي وإنبي، محمد الصباحي، ما أدى إلى تلقيه البطاقة الحمراء.

وتلقى إنبي الهزيمة أمام الأهلي بهدفين مقابل هدف، في مباراة شهدت جدلا تحكيميا واسعا بسبب إلغاء هدف للفريق البترولي قبل دقائق قليلة من نهاية اللقاء بداعي التسلل، بالإضافة إلى إشهار البطاقة الحمراء في وجه اللاعب أحمد رفعت.

وأكد أحمد رفعت، أنه لم يتطاول على الحكم محمد الصباحي، بعد تلقيه البطاقة الصفراء الأولى بسبب الاعتراض، مشيرا إلى أن مدرب الفريق علي ماهر عنفه وطالبه بالاعتذار للحكم إلا أنه تفاجئ بتلقيه البطاقة الصفراء الثانية ومن ثم الحمراء.

وقال رفعت، عبر حسابه الرسمي بموقع الصور «انستجرام»، «في البداية انا بشكر زمايلي علي ماتش النهارده والجهاز الفني ومدربي علي مساندتهم ليا طول الفتره اللي فاتت.. تاني حاجه انا لازم اوضح الحوار اللي دار بيني وبين الحكم علشان الاجتهادات اللي ملهاش معني».

وتابع: «انا بتكلم مع الحكم وبقوله الكرة "فاول" لازم تحسبها انت عمال تحسب "فاولات" كتير علينا قالي مش شغلك قولته لا شغلي انا اللي بلعب راح مديني انذار.. كابتن علي ماهر عنفني وقالي روح اعتذز له فروحت طبطبت عليه وقلتله معلش ياكابتن هايل بالظبط كده راح طاردني ف بقولو ليه قالي مطبطبش عليا.. ده بالحرف الحوار اللي دار بيني وبين الحكم».

وأضاف أحمد رفعت: «في ناس بتقول اني بقول كده بسخريه هو اصلا ماكنش شايفني كان بيكتب الانذار ومش باصيصلي في متهيالي ميقدرش يفرق دي سخريه ولا لا».





View this post on Instagram









في البدايه انا بشكر زمايلي علي ماتش النهارده والجهاز الفني ومدربي وعلي مساندتهم لي طول الفتره اللي فاتت. تاني حاجه انا لازم اوضح الحوار اللي دار بيني وبين الحكم علشان الاجتهادات اللي ملهاش معني. انا بتكلم مع الحكم وبقوله الكره فاول لازم تحسبها انت عمال تحسب فاولات كتير علينا قالي مش شغلك قولته لا شغلي انا اللي بلعب راح مديني انذار. كابتن علي ماهر عنفني وقالي روح اعتذز له فروحت طبطبت عليه وقلتله معلش ياكابتن هايل بالظبط كده راح طاردني ف بقولو ليه قالي مطبطبش عليه. ده بالحرف الحوار اللي دار بيني وبين الحكم. في ناس بتقول اني بقول كده بسخريه هو اصلا ماكنش شايفني كان بيكتب الانذار ومش باصيصلي في متهيالي ميقدرش يفرق دي سخريه ولا لا. ✋️
A post shared by Ahmed Refaat (@refaatofficial) on Feb 5, 2019 at 12:35pm PST