محمد صلاح يثير جدلا على «تويتر»

طالب اللاعب محمد صلاح، متابعيه على «تويتر» ب«التفائل»، وقال: «دا ربنا قال ( تفائلوا بالخير تجدوه ) ولا احنا فعلا بعيد اوي كده عن ربنا».
وأثارت التويته سخرية متابعيه، وقال عبدالله العنزي: «واحد يسكت محمد صلاح يا إخوان»، وأضاف «كابو»: «والله كابتن محمد صلاح دخل نفسه في حوارات وهيعملنا زي اللي عايشين بره وبيكلمونا عن حب الوطن وما تقولش ايه ادتنا مصر وقول هندي ايه لمصر».
فيما أضاف «باسل»: «محمد صلاح راحت منه بعد ما قابل عمرو خالد تقريبا»، وقال على رضا ساخرا: «لا تأخذوا الحكمة من فم محمد صلاح»، وكتب معتز خليفة: «محمد صلاح المرشد العام الجديد .. احذروه».
وأضاف «صلاح»: «أنا بقول اللي شايفه لو كل واحد عايز البلد تتقدم يبدأ بنفسه يشوف كده قبل أخر اليوم هوا عمل أيه في يومه كله يشوف هوا سلبي ولا إيجابي».
وأوضح: «والله أنا مش بقول كده علشان اتفلسف على حد بس فعلا والله أي كتاب قريته أو أي شخص ناجح قابلته قالي نفس الكلام».
وأشار إلى أنه لم ير أي «تعليق به تفائل أو يقول فيه أمل إن مصر تبقى أحس، فين التفائل؟».