واصل محمد صلاح، صانع ألعاب المنتخب الوطنى، وفيورنتينا الإيطالى تعليقه على حقوق شهداء أحداث "الدفاع الجوى"، التى وقعت الأحد الماضى، وأسفرت عن سقوط 22 شهيداً بين جماهير القلعة البيضاء. وقال محمد صلاح فى عدة تغريدات بموقع التواصل الاجتماعى "تويتر"، "أنا تقريبا مشوفتش كومنت واحد فيه تفائل ولا حتى بيقول إن فيه أمل ان مصر تبقا أحسن وكل الرد كان من شباب امال فين التفائل؟". أضاف، "دا ربنا قال ( تفائلوا بالخير تجدوه ) ولا احنا فعلا بعيد اوى كده عن ربنا، أنا بقول اللى شايفه لو كل واحد عايز البلد تتقدم يبدأ بنفسه يشوف كده قبل اخر اليوم هوا عمل آيه فى يومه كلو يشوف هوا سلبى ولا إيجابي". كما تحدث محمد صلاح عبر "تويتر"، قائلاً، "والله أنا مش بقول كده علشان اتفلسف على حد بس فعلا والله اى كتاب قريته او اى شخص ناجح قابلتو قالى نفس الكلام، وأتمنى ان الكلام ده يفيد حتى لو شخص واحد". أخبار متعلقة.. محمد صلاح معلقاً على عودة الدورى: هو حق الناس اللى ماتت هيرجع بسرعة؟