أسماء محفوظ : مرتضي مزور ويستخدم أوراق مفبركة

قامت الناشطة السياسية أسماء محفوظ بالتعليق على ما قاله مرتضى منصور في البرنامج الذي أذيع علي قناة الفراعين 6 سبتمبر.
وقالت إن مرتضي منصور لا يحتاج إلى ردود، فهو كذاب ومزور ويستخدم أوراق يستطيع أي شخص أن يكتبها ويقل عليها بالمستندات و السي دي .
و تساءلت عبر صفحتها الشخصية على موقع الفيسبوك، قائلة "طيب الكلام ده من قبل الثورة والمخابرات سايبانا كده عادي؟، بنسافر إسرائيل وقاعدين مع رئيس المخابرات والمجلس العسكري كان بيقعد معان كده عادي؟، طب في حفلة القضاء على الإرهاب النظام ليه مقبضش علينا ونشر كل الوثائق دي ليه؟، ليه قعد مع كل الناس المتهمين بالعمالة؟، لو في قضية فعلا ليه مافيش تحقيق؟ ليه متمش استدعائنا؟ ليه تاعبين نفسهم أوي كده وكل يوم يسرحوا علينا واحد يتكلم علينا في الإعلام؟، المفروض بقى اني اطلع ارد عليه واشتمه عشان ابقى كده بطلة ورديت الاهانة؟.
وأضافت محفوظ "أضيع وقتي ومجهودي ليه مع واحد زي ده؟، أنزل لمستواه ليه أصلا؟، عموما أنا مستنية رد القضاء يا يثبت عمالتي يا يثبت كدبه واللي مضايق يضغط على القضاء عشان يسرع الإجراءات.