القارىء أحمد زهران يكتب: التعلب فات فات

وفى ديل مامته سبع لفات
اول لفة خطاب بكَى كل اللى قعد فى البيوتات
تانى لفة جمل وحصان عشان يمسكنا م اللجامات
تالت لفة نايب بسلامته كان طول عمره استخبارات
رابع لفة رئيس وُزرة محسوب قطعا ع اللى فات
خامس لفة حرايق تنسف كل وثيقة م الادانات
سادس لفة حبايب عمره سايبينهم للتخطيطات
سابع لفة خطابه لينا مليان كدب ورسالات
ده انا فكرت ف لحظة يا ريس نلملك ونعملك جمعيات
لولا قالولى ان خطابك ده بعد ما وزعت المليارات
يا ترى لفاتك خلصت واللا فلولك لسه هتبدع تفكيسات
بس هاقولك يا حبيبنا إرباتك دول مخرومات
كل ما تطلع بتقوينا وتفكرنا بشهدا وشهيدات
الحالة دى معروفة ، حالة نكران و اثبات ذات
اقدر اقولك يا ريسنا ده جهل بطبيعة الثورات
لكن معذور ما هو سايبينك برنس غرقان ف ملذات
وانت ف شرم عايش ريس وفلولك لسه بتقدم خدمات
متهيألى الجيش هيجيبك بعد ما أكدت الروايات
الجيش عمره ما يخذلنا بعد ما عرف كل الٳنات
ومظاهراتنا لسه يا ريس سلمية بكل المقاسات
والجيش يحميها بوطنية ومعاه كل القوات
وختاما ركِز وهاقولك كش ملك ، الملك مات مات مات