من الصاحب أوتار( للحب)

فن العامية (1) نفسي .............. نفسي.. في لحظة حب حلوة.. أطير بها فوق بساط الريح..
وأدخل جنتي الصافية..
أكون بردان.. عطشان.. تعبان..
تضيع مني كل حاجة..
وتفضل ليا أحلي حاجة..
عيونها الحلوة في البستان...
(2) بدور عليكي
....................
بدور عليكي وقلبي يناديكي
وبشتاق لظلك ولمسة إيديكي..
بدور عليكي في ضماير بشر..
تاهت وغابت في ليل السفر..
بدور عليكي في عيون السهاري...
في ضحكة قلوب الناس الطيبين..
في السما.. في الليل.. في الحنين..
بدور عليكي ولسه الدموع..
بتسأل عينيكي إيدي الشموع..
عشان اليالي تعود لقمرها
وعمري الجميل يعود للرجوع..
بدور عليكي وهفضل أدور..
ومهما تطول الصحاري هدور..
وعمرك ما هتكوني يوم السراب..
بدور عليكي يا عمري اللي راجع..
يا ذكري.. يا بكرة.. يا فرحة شباب..
(3) آخر البلاد
...................
... ولو كنتي في آخر البلاد...
لأروحلك علي أجمل( جواد)..
وأغزلك من( السما)( شال)..
.. ومن( القمر)( موال)...
وأهديلك( الأعياد)..
(4) كل( البحار)
................
كل( البحار) تسكن في( عيونك).. أجمل( البحار) وأروعها, هي التي تتراقص شاطئ( عينيكي)...
كل( الورود) علي شاطئ( عينيكي)..
كل( الورود)تلثم عبير( شفتيك).. تنتظر( الندي) الرقراق من بين( ضفتيهما).. لتعيش للأبد.. بلا ذبول.. أو انتهاء...
كل( الأيام) إليكي( رائعة).. وكل( الأحلام) حولك( تتهادي), وكل( النسيم) يهدي إلي موجك( الساحر). أحلي قبلات( الهيام)...
محمد إبراهيم عصفور