أوتار

(1) نفسي نفسي.. في لحظة حب حلوة.. أطير بيها فوق بساط الريح..
وادخل جنتي الصافية..
أكون بردان.. عطشان.. تعبان..
تضيع مني كل حاجة...
وتفضل ليا أحلي حاجة..
عيونها الحلوة في البستان...
(2) بدور عليكي
بدور عليكي وقلبي يناديكي..
وبشتاق لظلك ولمسة إيديكي..
بدور عليكي في ضماير بشر..
تاهت وغابة في ليل السفر..
بدور عليكي في عيون السهاري..
في ضحكة قلوب الناس الطيبين..
في السما.. في الليل.. في الحنين..
بدور عليكي ولسه الدموع..
بتسأل عينيكي إيدي الشموع..
عشان الليالي تعود لقمرها..
وعمري الجميل يعود للرجوع..
بدور عليكي وهفضل أدور..
ومهما تطول الصحاري هدور..
وعمرك ما هتكوني يوم السراب..
بدور عليكي يا عمري اللي راجع..
يا ذكري.. يا بكرة.. يا فرحة شباب.
(3) آخر البلاد
... ولو كنتي في آخر البلاد..
لأروحلك علي أجمل( جواد)..
وأغز لك من( السما)( شال)..
... ومن( القمر)( موال)..
وأهديلك كل( الأعياد)...
(4) بنت( بلدي)
(بنت بلدي) الجميلة...
سيمفونية( حب) و( حيرة)...
أشوفها( اتلخبط)...
وتتوه كل( المعاني)...
وتفضل( عيونها)...
أجمل( رحلة).. وأحلي( خميلة)...
(5) كل( البحار)
كل( البحار) تسكن في( عيونك)... أجمل( البحار) وأروعها, هي التي تتراقص علي شاطيء( عينيكي)...
كل( الورود) تلثم عبير( شفتيك)... تنتظر( الندي) الرقراق من بين( ضفتيهما)... لتعيش للأبد.. لا ذبول... أو انتهاء...
كل( الأيادي) إليكي( رائعة)... وكل( الأحلام) حولك( تتهادي), وكل( النسيم) يهدي إلي موجك( الساحر)... أحلي قبلات( الهيام)...