مطلوب "عريس" من وزير الداخلية!

ازدادت فى الاونة الاخيرة اعداد الفتيات بدون زواج وهن اللآتى يطلق عليهن لقب غير محبب على الاذن واللسان واعتقد ترفضه كل فتاة غير متزوجة وهو " عانس " ، لان معظم هذه الفتيات الغير متزوجات على قدر عالى من الجمال والثقافة والعلم
يعنى بالطبع يتقدم لها العرسان ومعظمهن اللآتى يرفضن الزواج ، برغم ان اللقب الذى نرفضه " عانس " مفروض يعنى عدم تقدم عرسان للفتاة وبالتالى تبقى بدون زواج ، واذا حدث وأرادت العانس ان تبحث عن عريس ، فالطبع هناك اشخاص متخصصين فى ذلك مثل الخاطبة قديما والتى تطورت الى مكاتب الزواج ، او عبر مواقع الانترنت ولكن فاجأتنى الكاتبة المبدعة الجميلة السيناريست " حنان غانم " باحد خواطرها عن عانس تطلب من وزير الداخلية تحديد " عريس " مما انبهرت من هذه الخواطر من طريقة سياق الكلام واعجبتنى جداًوهى

بعنوان ""اتقدم ببلاغ لوزير الداخلية ""

وعشمى فيه ينقذنى من المصيبة اللى وقعت

على دماغى. وما فى حد دارى بيا .عموما مش

هاطول عليك ياوزير الداخلية لانى عارفة

انك مش فاضى ليا .بس انا برضة هحملك

المسئولية لو مانظرتش فى حكايتى بعين .

العطف والحنية ..ولازم تقف جنبيا مش انت

وزير الداخلية ..احكيلك بقى على اللى بيا . بس

وحياة النبى ماتتأثر اوى بيا .لان عرفه وراك كتير

من المسئولية . شوف بقى ياوزير هقولك ,

الحكاية فى ثانيتين ..انا بنت عادية وعايشة

لوحدية ومافيش حد بيسأل عليا .بعد الغالى

والغالية ماماتوا وسابونى. واخواتى اتجوزوا

وفاتونى .والدنيا بتجرى قدام عيونى ..وكل

العرسان فاتونى ولحيرة قلبى ولوحدتى سابونى .ونفسى

اهل اللى خلفونى على سؤالى يجاوبونى .انا فيا

ايه عشان العرسان يجروا منى ويسبونى .طب

قوللى انت ياوزير فيها ايه يعنى لما عديت سن

التلاتين ولا حتى سن الاربعين .والنبى يا وزير

يرضيك العريس يسبنى ويروح يجرى على بنت

العشرين ..ويخلينى اتحسر وابكى بدموع العين .

واقعد لوحدى مابين ليه وعشان ايه .ماهو انا

برضة فيا الرمق ياوزير ويمكن اكون احلى من

بنت العشرين .وكمان ايه مرتبى اربع تلاف جنية

وعندى شقة وعربية .وتاكل من ايدى احلى شوية

ملوخية ودقية بامية من اللى هى .

لأ وكمان اية جسمى ماقولكش عليا .وتشوفنى

تقول الله ماحلاها دى الصبية. عيونى عيون ملاح

وجسمى زى جسم صباح وشعرى اسود ليل

وكل واحد يقول

ربنا يكتبها ليا وساعة الجد يفلسع ويقول كان على عينية ..انا ليه اتجوز وحدة فى
السن معدية ..وانا قدامى بدل الصبية الف صبية وصبية .

ويهرب منى ولا يسال فيا .ويسبنى لوحدية

..ودموع عينية تنزل كانك فاتح حنفية .. مع ان اخلاقى زى النص

التانى من حياة رابعة العدويه .وطبعا ياوزير

الداخلية هتقول انا مالى بالحكاية دى . هو انا

وزيرالشئون الاجتماعية ..يابنتى انا وزير

الداخلية ..وحمل البلد كله عليا وبحميكم من

الارهابيين والبلطجية ..خفى يابنتى عليا عايزانى

اسيب شغلى فى الداخلية .واقعد ادور على

عرسان لكل البنات ..ده انا وزير وفى بنات منك

فى مصر كتير عدوا سن التلاتين والاربعين ..

انا سهل عليا احل مشكلة فلسطين وكمان اقدر

اقضى على الارهابيين فى غمضة عين ..لكن

تقولولى اجيبلكم عرسان ده اسمة جنان .عشان

مفيش عرسان ..دى كانت موضة زمان ..

والله كان من عينية بس يابنتى دى حكاية مستعصية

وصعبة اوى عليا .. هارسوح ياوزير يعنى

هيفضل حالنا كده يبكى العين ..طب ارقصى

يابنت العشرين وصوتى عليكى وعليا يابنت

الاربعين ..وانتى يابنت العشرين الهى العريس

يجينى وينسى وهوكان رايح فين ويتجوزنى

ويرتاح القلب والحق واخلفلى عيلين

--------
كلام بديع خفيف الظل ولكن يجب أن تقولي لنا يا أستاذة حنان .... لماذا وزير الداخلية تحديداً ؟؟؟!!!
لمزيد من مقالات شادية يوسف