بدون تفكير.. 5 حاجات لو لقيتهم فيها "اتجوزها"

الراجل زي الست ليه متطلبات كتير في العلاقة بس عشان الرجالة غلابة وبترضي بأي حاجة بيعانوا كتير بعد الجواز وكتير حاليا بيعرضوا عنه ولذلك لو لقيت ست ممكن تعملك الحاجات اللي جاية دي اتجوزها فورا:
1- بتعرف تطبخ... باحترافية
اه الطريق لقلب الراجل كرشه.. ونوعية الأكل اللي بتعملها بنات اليومين دول – ده إذا كانت بتغرف تعملها أصلا – زي المكرونة بالوايت سوس والاستربس والفرايز والحاجات اللي ربنا ابتلانا بيها دي احنا كرجالة ما بنعتبرهاش أكل.. أكل يعني صواني محاشي واللذي منه.. ومفيش حاجة اسمها هاتتعلم بعد الجواز دي خدعة كده زي إذا ماكنش النهارده يبقي بكرة يعني هي بقالها أكتر من 20 سنة في بيت أهلها مابتدخلش المطبخ هاتيجي تتعلم دلوقتي عشانك أنت ! ده جر رجل بس.
◄ اقرأ ايضًا: 10 نصائح .. إتيكيت التعامل
مع "أهل الزوج"
2- بتتفرج ع الكورة
الكورة في حياة الراجل تكاد تكون أهم من الست نفسها عشان كده البنت الذكية هي اللي تتفرج ع الكورة وتشجع فريقك المفضل بس تبقي مشجعة حقيقية مش عاملة نفسها بتتفرج عشان تلفت انتباهك وبعد كده تقولك انت هاتسبني وتتفرجلي علي كل الماتشات !
3- بتعرف تسكت
الصمت عامل مهم في حياة أي راجل، كل واحد فينا بيبيقي عايز يسكت شوية وينعزل في عالمه الخاص بكل هدوء خصوصا لو بعد يوم شاق ومقرف عشان كده الست اللي بتفهم ان الراجل محتاج مساحة من الهدوء والخصوصية وبتعرف تسكت وتسيبك تبص في السقف براحتك من غير ما تتخيل انك بتفكر في واحدة تانية تستحق انك تتجوزها.
◄ اقرأ ايضًا: فوائد "تعدد
الزوجات"
4- أعطني حريتي وأطلق يدي
والله الحرية في حياة الراجل حاجة مهمة أوي جو الاستحواذ والسيطرة اللي نفسك فيه ده مش هايخليه تحت رجلك زي مانتي متخيلة عشان كده البنت اللي بتسيب الراجل يقعد ع القهوة براحته ويسافر مع صحابه من غير ما تعكنن عليه أو تحسبله اّخر خروجة من غيرها كانت امتي وفين ومدتها أد ايه لازم تتجوزها.
5- الغفران
كلنا بني آدم وابن اآدم خطاء لذلك الست اللي بتعرف تغفر الأخطاء تتشال فوق الراس إنما الست اللي فاكرالك غلطة مهما كانت تافهة من سنين وبتساومك علي أخطاءك هاتعيشك في جحيم.