وهب عمره في خدمة قلوب الغلابة .. وفاة طبيب داخل مستشفى العريش بعد انقاذه لمريض قلب

أدى واجبه على أكمل وجه، صلى جميع الفروض، و انقذ مريض من الموت، ثم سقط فى غرفة القسطرة بمستشفى العريش، و لم يسعى طوال عمله الى الشهرة، توفى الدكتور على صلاح استشارى امراض الفلب داخل مستشفى العريش ، و سادت حالة من الحزن على مواقع التواصل الإجتماعي بعد تداول خبر وفاة طبيب القلب و نشر الدكتور محمد امام استشارى القلب بمحافظة بورسعيد صورة له على صفحته الشخصية ' الفيسبوك' ناعيا وفاة الطبيب الانسان و كتب : البقاء والدوام لله
الصورة دي لدكتور توفّى امبارح، 99٪؜ منكم ما يعرفش دكتور علي، ولا عمره سمع عنه، ولا شاف صورته ، عادي، الموت علينا حق ، بس بصراحة... موته عِبرة كبيرة قوي
دكتور علي كان راجل طيب جدًا ، كان استشاري وقت ما أنا كنت نايب صغير، و كل الأخصائيين والنوّاب كانوا بيتدلّعوا عليه وبيهزروا معاه، وهو كان طيب معانا كلنا
ما كانش بيحب يزعل حد، ولو زعل من حد... تاني يوم كأن ماحصلش حاجة.
و أضاف الدكتور امام ، بعد المعاش، راح يشتغل في شرم الشيخ، والعريش عن طريق بعثات المعهد، وبالمناسبة، كان بيروح العريش سنة 2018 وقت ما كان الإرهاب في عزّه
لما الدكتور جمال شعبان راح فتح المركز هناك في مستشفى العريش،عمره ما كان مشهور،ولا سعى يوم للشهرة، كان بيشتغل في صمت... وبقلب كبير
و أختتم امام ، مات امبارح،بعد مشوار طويل للعريش
وصل... صلى كل الفروض، ونزل أنقذ حياة مريض عنده جلطة، ودي كانت آخر حاجة عملها في حياته، مات في حجرة القسطرة، وسط رجالته... اللي ماعرفوش يعملوا حاجة لما جه القدَر،في ناس قالت: "ياعيني ملحقش يروح المستشفى"،هو مات جوه المستشفى، جوه حجرة القسطرة
الموت عبرة يا جماعة،مافيش حد بينقذ حد من الموت
ربنا بيجعلنا سُبُل ووسايل لقدَره ، اوعي دكتور يفتكر إنه بينقذ،إحنا وسيلة،رحمة الله عليك يا دكتور علي صلاح ، كنت ونِعم الناس.
وهب عمره في خدمة قلوب الغلابة
و من جانبه نعى الدكتور جمال شعبان الطبيب المتوفى على صفحته الشخصية بمواقع التواصل الاجتماعي
و كتب: طبيب القلب طيب القلب، مات بالسكتة القلبية
داخل غرفة قسطرة القلب، في ثياب العمل والشرف والعطاء
شهيدا للواجب ، وهب عمره في خدمة قلوب الغلابة
راح العريش امبارح ليساهم في علاج قلوب بسطاء مصر
في شمال سيناء،و أنقذ مريضا يعاني من جلطة القلب
فور وصوله، وبعد العملية وقع هو علي الأرض،وتوقف قلبه فجأة، حاول أطباء القلب إنعاش قلبه،لكن الروح الطيبة
صعدت إلي بارئها،إلي جنة الخلدالاستاذ الدكتورعلي صلاح المهذب الطيب،الودود، العين اللين ،المتواضع
العازف عن الشهرة والأضواء، رب مجهول في الأرض
لكنه نجم متألق في السماء، ونزيل من نزلاء الفردوس
كلنا راحلون، دعواتكم له بالرحمة