كواليس تدريب دنيا سمير غانم على لغة الإشارة (فيديو)

كشفت الفنانة دنيا سمير غانم، عن كواليس تدريبها لحفل قادرون باختلاف حيث غنت بلغة الإشارة أمام الرئيس عبد الفتاح السيسي.
كواليس تدريب دنيا سمير غانم على لغة الإشارة
ونشرت دنيا سمير غانم، فيديو عبر حسابها بموقع الصور والفيديوهات الشهير "إنستجرام"، من الكواليس مع مدربتها الخاصة استعدادا لحفل "قادرون باختلاف". وظهرت دنيا وهي تتدرب على لغة الإشارة، وكتبت: "شكرا مادونا إحدي بطلات (قادرون باختلاف) هي اللي علمتني لغة الإشارة علي أغنية بلادي اسلمي".
أول تعليق من نهلة سلامة بعد تصدرها التريند: دا الطبيعي (خاص)
تفاصيل الجزء الثالث من مسلسل الاختيار.. أحداثه تبدأ من 2012 (خاص)
ديانا هشام تروي كواليس تعرضها للسرقة في أحد المولات (خاص)
وكانت دنيا سمير غانم، تحدثت عن مشاركتها في هذا الحفل، حيث كتبت: "تشرفت النهارده بالغناء أمام سيادة الرئيس عبد الفتاح السيسي في احتفالية #قادرون باختلاف
و سعدت و تشرفت بكلامه ليا جدا وبنظرته اللى كلها أبوة".
وتابع: "احب أشكر الجمهور العظيم اللي دايما بيشجعني و شفت في عنيهم و في ردود أفعالهم فرحتهم بوجودي في الحدث الهادف مع الملايكة اللي كانوا سبب في ثقتي بنفسي النهارده بإحساسهم الصادق في تعبيرهم عن حبهم ليا الحمد لله و فرحتهم باليوم ده وان فى حد مهتم بيهم وبيفكر فيهم وفى احتياجاتهم".
وأضاف: "بشكر كل الزملاء والأساتذة إللي اتشرفت إني كنت موجودة معاهم في نفس الحفلة و علي رأسهم الموسيقار الكبير عمر خيرت و أستاذ أشرف عبد الباقي سعيدة جدا إني ابتديت يومي بتشجيعهم و حرصهم انهم يطمنوا عليا قبل ما أطلع و كمان زملائي الأعزاء مصطفي شعبان و يوسف الشريف و المذيعين شريف مدكور و إيمان الحصري اللي مروا بظروف صعبة وعدوها بكل قوه وثبات بفضل ربنا و رحمته و كنت مبسوطة بيهم و حسيت بأد إيه أغلب الموجودين مننا كان عندهم تحديات في حياتهم زي الملايكة اللي استمدينا قوتنا منهم النهارده و من أهلهم الأبطال. بشكر كل القائمين علي الاحتفال د/أمل مبدا الأم التانية للقادرون باختلاف".
واختتمت حديثها: "فخورة جدا بأخويا هشام جمال لإنه اشتغل و تعب من قلبه في إخراج الحفلة و الأغاني و اختيار الأصوات اللي دخلت قلوبنا كلنا و عن نفسي بشكره علي أغنيتي "بلادي اسلمي" كلمات الشاعر الموهوب محمد إبراهيم و ألحان العبقري المتنوع هشام جمال و توزيع الموزع الشاطر جدا مادي، وفي النهاية حبايبي الغاليين بابي و مامي إتأثرت جدا النهارده اني لأول مرة أروح في يوم مهم ليا من غير ما أسمعك يا مامي بتدعيلي أو ترقيني قبل ما أنزل أو بابي بيقول لي ربنا معاكي يا حبيب بابي يا رب أكون شرفتكم، بحبكم و وحشتوني أوي ربنا يرحمكم يا أغلي حاجة في حياتي".