وجهت الفنانة دنيا سمير غانم الشكر إلى الرئيس عبدالفتاح السيسي لدعمه لها خلال مشاركتها اليوم في احتفالية «قادرون باختلاف» التي أقيمت بمشاركة ذوي الهمم اليوم. وكتبت دنيا عبر حسابها الرسمي على موقع فيسبوك: «تشرفت النهارده بالغناء أمام سيادة الرئيس عبدالفتاح السيسي في احتفالية #قادرون باختلاف.. وسعدت وتشرفت بكلامه ليا جدا.. وبنظرته اللى كلها أبوة«. وتابعت: «أحب أشكر الجمهور العظيم اللي دايما بيشجعني وشفت في عنيهم وفي ردود أفعالهم فرحتهم بوجودي في الحدث الهادف مع الملايكة اللي كانوا سبب في ثقتي بنفسي النهارده بإحساسهم الصادق في تعبيرهم عن حبهم ليا الحمد لله وفرحتهم باليوم ده وان في حد مهتم بيهم وبيفكر فيهم وفى احتياجاتهم«. وأضافت: «بشكر كل الزملاء والأساتذة إللي اتشرفت إني كنت موجودة معاهم في نفس الحفلة وعلى رأسهم الموسيقار الكبير عمر خيرت وأستاذ أشرف عبدالباقي سعيدة جدا إني ابتديت يومي بتشجيعهم وحرصهم انهم يطمنوا عليا قبل ما أطلع وكمان زملائي الأعزاء مصطفي شعبان ويوسف الشريف والمذيعين شريف مدكور وإيمان الحصري اللي مروا بظروف صعبة وعدوها بكل قوه وثبات بفضل ربنا ورحمته وكنت مبسوطة بيهم وحسيت بأد إيه أغلب الموجودين مننا كان عندهم تحديات في حياتهم زي الملايكة اللي استمدينا قوتنا منهم..النهارده ومن أهلهم الأبطال«. واستطردت: «بشكر كل القائمين على الاحتفال د/أمل مبدا الأم التانية للقادرون باختلاف..وفخورة جدا بأخويا هشام جمال لإنه اشتغل وتعب من قلبه في إخراج الحفلة والأغاني واختيار الأصوات اللي دخلت قلوبنا كلنا وعن نفسي بشكره على أغنيتي «بلادي اسلمي» كلمات الشاعر الموهوب محمد إبراهيم وألحان العبقري المتنوع هشام جمال وتوزيع الموزع الشاطر جدا مادي» واختتمت دنيا سمير غانم: «في النهاية حبايبي الغاليين بابي ومامي إتأثرت جدا النهارده اني لأول مرة أروح في يوم مهم ليا من غير ما أسمعك يا مامي بتدعيلي أو ترقيني قبل ما أنزل أو بابي بيقول لي..ربنا معاكي يا حبيب بابي..يا رب أكون شرفتكم، بحبكم ووحشتوني أوي..ربنا يرحمكم يا أغلي حاجة في حياتي«. وتأتي مشاركة دنيا سمير غانم في احتفالية «قادرون باختلاف» اليوم لتكون الأولى والظهور الفني الأول منذ رحيل والديها سمير غانم ودلال عبدالعزيز.
