أنت ِ الشوارع

علشان عاشقه لون السما
وما بينك وبين الليل عشرة وود
كان لا بد
تبقي أنتِ الشوارع..!
أتوه واعمل ضايع
أمسك ف آخر اسمك
آخد عمري
لف برة
بالمرة
نلاعب الشوق سوا فوق كفك
نواحيكي وع برك
ارمي قلوعي
من غير ما تبوحي
هات العشق ف نص الطريق
وداديه مداديه
"أنتِ اللي عليكي النيه"
وليه افتك صفحة صفحة
العشق مش علام
أنا شفتك ف المنام
وكنتي أنتِ الشوارع
عيل ف إيدك
من ضهر العشق طالع
له رسمه عيونك
له ريحه توبك
له طعم ولون غناكي
أنا معاكي..
معاكي وما نيش خايف
لا أعيشك وتعيشيني
لا أموت ف عشقك زي الشجر واقف
عشان أنتِ الشوارع