مش قادر أرجعلك ولا قادر أنساكى

ولا قادر أعيش بعدك ولاقادر أعيش معاكى
ما يهُنش عليا زعلك وعاوزك تسامحينى
ونفسى أجى وأصالحك وخايف تصدينى
مين أساكى عليا وكنتى بتحبينى
يا أعز حبيبة ليا ياروحى و نور عينى
ما كنتش أتصور إنك تقدر عنى تغيب
وعينى عماله تضور عليك يا أعز حبيب
من يوم يا حبيبى ماسبتك عينى ماليها الدموع
وإن جت مع حد سيرتك القلب يفضل موجوع
حبيتك من كل قلبى حب بصدق وإخلاص
لكن أنت ما صنتش حبى حب كده وخلاص
من ساعة ما بعدت عنى وعينى جفاها النوم
يا حببتى يا حته منى بشتاق لك كل يوم
نفسى يا حبيبتى أعرف أخرتها وياكى
دنا بتعذب فى بُعدك ويزيد عذابى فى لُقاكى
مش قادر أرجعلك ولا قادر أنساكى .