اعترافات متهم فى واقعة طفل المرور: "معرفش أحمد جاب منين العصا البيسبول"

حصلت اليوم السابع على نسخة من نص التحقيقات فى قضية اتهام طفل المرور و2 آخرين، باستعراض القوة والعنف وإصابة شاب أمام مدرسة بالمقطم.
بدأت التحقيقات مع المتهم "طونى شريف" 20 سنة، طالب وتم سؤاله بالاتى فأجاب:
س: ما قولك فيما جاء بأقوال المجنى عليهم بتحقيقات النيابة (تلوناه عليه تفصيلا)؟
ج: اللى حصل أنا قلت عليه.
س: ما قولك فيما جاء بتحريات وحدة البحث الجنائى بقسم شرطة المقطم والمحررة بمعرفة النقيب / طارق ممدوح (تلوناه عليه تفصيلا)؟
ج: اللى حصل أنا قلت عليه.
س: ما قولك فيما جاء باقوال مجرى التحريات بتحقيقات النيابة العامة (تلوناه عليه تفصيلا)؟
ج اللى حصل انا قلت عليه
س: ما قولك فيما جاء بأقوال شهود الواقعة بتحقيقات النيابة العامة (تلوناه عليه تفصيلا)؟
ج: اللى حصل أنا قلت عليه
س ما قولك فيما جاء بأقوال المتهمين بتحقيقات النيابة العامة (تلوناه عليه تفصيلا)؟
ج هما قالو كده عشان إحنا كنا رايحين أنا وبابا وماما نعمل شكوى فى المدرسة فى محمود ونصر وواحد ثاني اسمه آدم عشان دى مكانش أول مرة يعملوا مشكلة مع روز النيدا لأنهم حاولوا يشتموها شتايم وحشة وفعلا أنا كلمت أحمد وقولتله على اللى حصل وقالى أنا هاجى معاك ونشوف الموضوع ده.
واستكمل: أنا روحت المدرسة مع بابا وماما وبعدين أحمد كلمنى قالى أنا قربت أوصل قصاد المدرسة وفعلا وصل وکلمنى وأنا سبت ماما وبابا وطلعتله بره وووقفت قدام العربية وبعدين أول ما يوسف ومحمود ظهروا أنا شاورت عليه لأحمد وقولتله ده اللى مضايقنى وبعد كده حصل اللى حصل وأنا مشوفتش أحمد أن كان معاه حاجة جوا العربية وأنا استغربت هو جاب منين عصا بيسبول اللى ضرب بها يوسف.
س: هل توجد علاقة أو خلافات فيما بينك وبين المتهمين؟
ج: مفيش بينى وبينهم أى خلاقات.
س: هل يوجد علاقة أو خلافات فيما بينك وبين المجنى عليهم؟
ج: أنا مفيش بينى وبينهم أى خلافات.
س: أنت متهم بالاشتراك مع كلا من / أحمد أبو المجد عبد الرحمن وآخرين باستعراض القوة والتلويح بالعنف ضد المجنى عليهم وكان ذلك بقصد ترويعهم وتخويفهم وإلحاق الأذى بهم وكان من شأن ذلك تعريض حياتهم وكذا حياة المواطنين وأمنهم وسلامتهم للخطر وكان ذلك حال كونكم أكثر من شخصين مستخدمين أسلحة بيضاء؟
ج: محصلش
س: أنت متهم بإحداثك عمدا مع سبق الإصرار بالمجنى عليهم الإصابات الموصوفة بالتقرير الطبى والتى أعجزتهم عن أشغالهم اليومية مدة قد جاوزت 20 يوما.