كشفت التحقيقات التي أجرتها النيابة العامة في قضية الطفل المعتدي على فرد شرطة المرور، في القضية المعروفة إعلاميًا ب"طفل المرور" والتي وجهت فيها اتهامات للطفل باعتدائه على فرد شرطة، وظهوره في مقطع فيديو على مواقع التواصل الاجتماعي، خلال سبه الآخرين بألفاظ نابية هو و4 آخرين من أصدقائه. وجاءت نص التحقيقات كالتالي: أقوال الشرطي س: اسمك، سنك، وظيفتك؟ ج: اسمي محمد فوزي جاد الله 35 سنة، أمين شرطة ثالث بالإدارة العامة لمرور القاهرة. س: ما هي تفصيلات ما حدث ومعلوماتك بشأن الواقعة محل التحقيقات؟ ج: اللي حصل إن أنا كنت معين خدمة مرورية في ميدان بيتشو، بزهراء المعادي، لقيت بعض المواطنين مستقلي المركبات بيقولولي بأن فيه عربية مرسيدس ولونها أسود، سايقها عيل صغير وبيسوقها بطريقة متهورة، وبيعمل غرز في الشارع وأثناء وأنا واقف في الخدمة لقيت العربية جاية عليا فوقفتها، ولقيت فعلا عيل صغير سايقها، ومعاه أربعة عيال من سنه راكبين العربية فسألت الطفل قائد العربية وقولتله فين الرخص قالي مش معايا رخص والعربية دي هيئة قضائية بتاعت بابا وبابا شغال في مكتب وزير العدل، ولاحظت أن زجاج العربية ملون"فاميه" فاصريت على أنه يطلعلي رخص العربية وهو كان بيقولي مش معايا وبيتكلم بإسلوب مش كويس،وقالي مش عارف انت بتكلم مين وانت مش عارف أنا أبن مين؟ وبعدين لقيت أصحابه اللي راكيبن العربية قعدوا يوجهوا ليا كلام ويقولوا لي احنا ممكن نضربك ونكسحك ونقعدك جنب أمك لولا أنك رجل كبير، فسالت اللي سايق العربية وقولتله أنا عايز الرخص فقالي مش معايا، لقيته بيسألني فين كمامتك فقولتله مش معايا فقالي أبعد وشك بعيد عني وأبعد إيدك عن العربية، وبعدها أنا اتحركت كام خطوة لمقدمة العربية علشان أخد أرقام اللوحة الأمامية، واحرز مخالفة مرورية باللي حصل ومرة واحدة، لقيته بيتحرك بالعربية، وهوشني فخلاني أقع على الأرض على ضهري ورجلي اليمين جت على الباب الخاص بقائد السيارة وبعدين شوفته وهو باصص ناحيتي وبيشتمني وبقولي "غور كدة وشتمني بأمي" س: ما صلتك بالمقطع المعروض عليك الآن؟ ج: دة المقطع الخاص بالواقعة بتاعت الطفل اللي تعدي عليا واللي كان سايق المرسيدس. س: وما هي طبيعة علاقتك بالمتهم الطفل أحمد أبوالمجد وهل من ثمة خلافات سابقة فيما بينكما؟ ج: أنا معرفوش قبل كده، وأول مرة أشوفه ساعتها. س: وما قصد المتهم ورفقائه من ارتكاب الواقعة محل التحقيقات؟ ج: قصدهم التعدي عليا بالسب والشتم والسخرية وتصويري دون موافقتي واسفتزازي للوقوع في الغلط. س: كيف وقفت على ذلك القصد؟ ج: عشان العبارات اللي وجهوها ليا ولما صوروني. س: من هو مالك السيارة محل الواقعة؟ ج: العربية كشفنا عليها في الإدارة العامة للمرور قسم الحاسب الآلي، وتبين أن رخصة السيارة منتهية من شهر مارس لعام 2015 والسيارة مسجلة بوحدة مرور المعادي باسم أبوالمجد محمد. س: وهل تتهم المتهم الطفل أحمد أبو المجد ورفقائه بثمة اتهامات؟ ج: آه بالإساءة لي والتشهير بي على فيس بوك، والتعدي عليا بالسب والشتم والسخرية مني. سِ: ما طبيعة ألفاظ السب التى وجهها إليك المتهم إنذاك؟ ج غور كدة وشتمني بأمي.
