حنان مطاوع: كتبت وصيتى فى ال25 لأذكر نفسى بالآخرة.. والعلمين تستحق تجيلها

قالت الفنانة حنان مطاوع:" كتبت وصيتى فى سن ال 25 أسوة بسيدنا محمد، بان أذكر أن فى رحلة تانية وهى الأبقى والأطول وهى رحلة الآخرة، وبأمن حياتى فيها، وبفكر بيها نفسى إن دى النهاية".
وأضافت حنان مطاوع، خلال استضافتها في سهرة خاصة فى حلقة "حد النجوم"، تقديم الإعلامية شيريهان أبو الحسن، من مدينة العلمين، اليوم الأحد، والمذاعة على شاشة on، ان اختيار اسم ابنتها "أماليا" جاء عن الطريق البحث على الإنترنت حيث أوضح أن الابنة الصغرى للفرعون اسمها "أماليا"، وساعات بحس بالتقصير لما الشغل ياخدنى منها".
تابعت "أنا شخصية رومانسية، وبغير على زوجى "أمير" من كل حاجة، ومش بقلق علشان بثق فيه، ولو وحده عجبته بغير عليه، وبعمل اللى يحبه قدر المستطاع، وبعرف أطبخ ومبحبوش، وأمى مش طباخة، وأنا شاطرة فى فن التجاهل، لكن أتدخل فى لو الأمر كان فيه إهانة أو المساس بأهلى أو بلدى".
وأكدت:"التمثيل رقم واحد بالنسبالى، ولو لم أكن ممثلة لوددت أن أكون ممثلة، وانا مش مدبرة، وريهام عبد الغفور أكثر شخصية مقربة لى فى الوسط الفنى، وأمى انكسرت بعد وفاة الفنان حسن السعدنى".
وخلال الحلقة قلدت حنان مطاوع والدها كرم مطاوع، مؤكدة أنه حب موسيقى الجمل الإيطالية، وكان قليل الكلام وتقيل ودمه خفيف وحنون".
وأكدت حنان مطاوع أن العلمين تستحق اللى يجيلها، وبدعم مهرجانات بلدى ويارب ديما الرفعة لمصر".