حنان مطاوع عن طقوس العيد: بجيب بومب وبفرقع أنا وبنتي (فيديو)

كشفت الفنانة حنان مطاوع، عن طقوسها في العيد، لافتة:"قبل إنجابي بنتي أماليا كنت لازم أحصل علي العيدية وكنت باخدها من أمي وخالتي وزوجي".

عيدية العيد ضمن طقوس حنان مطاوع
وتابعت خلال لقائها ببرنامج "مساء دي ام سي" الذي يقدمه الإعلامي رامي رضوان بقناة "دي ام سي":"مبحبش ان عادة العيدية تنقطع لإنها بتحسسني إني لسه صغيرة، بس لما خلفت بقيت انا اللى بعطي العيدية".

طقوس حنان مطاوع في العيد
ولفتت حنان مطاوع:"بجيب لبنتي بومب وصواريخ وبنقعد نفرقع انا وهي في العيد، وفي رمضان الفانوس لازم يكون حاضر وانا من الناس اللى لسه متمسكة بالطقوس".

سهير المرشدي عن ابنتها حنان مطاوع في وعود سخية: خلت رقبتي في السما(فيديو)
حنان مطاوع تكشف قصة تمردها على والدها ورسالته الأخيرة لها (فيديو)

في وقت سابق، قالت الفنانة سهير المرشدي:"أنا معجبة جدا بأداء حنان مطاوع وأنا ناقدة بالنسبة لها وبحب أشوفها من كل الزوايا وببقى مشدودة جدا وأنا بتفرج عليها وفي مسلسل وعود سخية، أظهرت أنها بتحب فنها واللى بيحب حاجة بيحترمها وهي بتحترم الفن والناس وبيعز عليها لو مش عاملة اللى عليها علشان كده تتفاني في أداء الدور وهي مش بتمثل بقدر ما بتعيش اللحظة".

سعادة سهير المرشدي بحنان مطاوع
وأضافت خلال تصريحات تليفزيونية بقناة "تن":"فرحانة جدا بدور حنان مطاوع في مسلسل وعود سخية، وبنتي فعلا صادقة في نقل الصورة الواقعية للشخصية اللى جسدتها في العمل الفني".

ميزة الفنانة حنان مطاوع
وتابعت:"أنا فرحانة ب حنان مطاوع لأنها عندها وجهة في نقل الشارع للشاشة، وهي بتعيش اللحظة وعلشان كده بخاف عليها لإنها لما بتتنرفز وكإنها في البيت والنرفزة الحقيقية دي حرق دم، ولكن فرحتي الكبيرة تليفونات الإشادة اللى جاتلي وحسستني إني أنا اللى نجحت وأنا فخورة بها لأنها خلت رقبتي في السماء".

فرحة سهير المرشدي بمسلسل وعود سخية
واستطردت:"اللى عاجبني في حنان مطاوع انها حاسة بقيمتها واشعت مسلسلها نورا وقيمة فنية، علشان كده انا فرحانه بيها وبإحترامها لأسرتها الفنية ولجمهورها".

ونقدم لكم من خلال موقع (فيتو)، تغطية ورصدًا مستمرًّا على مدار ال 24 ساعة ل أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري ل أخبار الفن والعديد من الأنشطة الثقافية والأدبية.