قالت الفنانة سهير المرشدي:"أنا معجبة جدا بأداءحنان مطاوع وأنا ناقدة بالنسبة لها وبحب أشوفها من كل الزوايا وببقى مشدودة جدا وأنا بتفرج عليها وفي مسلسل وعود سخية، أظهرت أنها بتحب فنها واللى بيحب حاجة بيحترمها وهي بتحترم الفن والناس وبيعز عليها لو مش عاملة اللى عليها علشان كده تتفاني في أداء الدور وهي مش بتمثل بقدر ما بتعيش اللحظة". سعادة سهير المرشدي بحنان مطاوع وأضافت خلال تصريحات تليفزيونية بقناة "تن":"فرحانة جدا بدور حنان مطاوع في مسلسل وعود سخية، وبنتي فعلا صادقة في نقل الصورة الواقعية للشخصية اللى جسدتها في العمل الفني".
ميزة الفنانة حنان مطاوع وتابعت:"أنا فرحانة ب حنان مطاوع لأنها عندها وجهة في نقل الشارع للشاشة، وهي بتعيش اللحظة وعلشان كده بخاف عليها لإنها لما بتتنرفز وكإنها في البيت والنرفزة الحقيقية دي حرق دم، ولكن فرحتي الكبيرة تليفونات الإشادة اللى جاتلي وحسستني إني أنا اللى نجحت وأنا فخورة بها لأنها خلت رقبتي في السماء".
فرحة سهير المرشدي بمسلسل وعود سخية واستطردت:"اللى عاجبني في حنان مطاوع انها حاسة بقيمتها واشعت مسلسلها نورا وقيمة فنية، علشان كده انا فرحانه بيها وبإحترامها لأسرتها الفنية ولجمهورها".
حنان مطاوع تبرز مقال "فيتو" عن الرابحين والخاسرين في دراما رمضان حنان مطاوع تكشف قصة تمردها على والدها ورسالته الأخيرة لها (فيديو)
في تصريحات سابقة، قالت الفنانة حنان مطاوع: "أنا من الشخصيات اللى بتفكر كويس قبل ما ترد وبحس اني مبقصدش ألبس قناع ولكن ممكن ألبسه غصب عني في التعامل مع الناس".
خوف حنان مطاوع من الأضواء
وأضافت خلال لقائها ببرنامج "أنا والقناع" المذاع علي قناة "الحياة": "أنا شخصية خجولة جدا ومكنتش أتخيل أبدا وإلى الآن أني تسلط على الأضواء، أنا بخاف الأضواء على عكس ماما سهير المرشدي لو داخلين مسرح تحب تقعد في الصف الأول في المكان المتميز أيا كان أنا العكس تمام بحب اقعد ورا علشان اتأمل الأشياء".
تركيبة حنان مطاوع
وتابعت حنان مطاوع: "أنا تركيبة مش شبه ماما سهير المرشدي ولا بابا كرم مطاوع، مش تركيبة النجم أو الباحث عن الأضواء، أنا تركيبة فنانة وبخاف من الأضواء لأنها بتجنن البني آدم وبخاف من انتهاك الخصوصية لأني أؤمن جدا بالخصوصية، مبحبش عالم الأضواء لكن الفن بحبه جدا".
قصة تمرد حنان مطاوع علي والدها كرم مطاوع
وعن قصة تمردها على والدها قالت: "أنا تمردت على شهرة ونجومية أسرتي من بداية لما قعدت ادور في اسم بابا حاجة أبعد بيها كرم عن مطاوع ومبقاش حنان كرم مطاوع فلقيت بابا اسمه كرم مصطفى محمود مطاوع ومكنتش اعرف ده فقلت هما في المدرسية بيبقوا عايزين الاسم ثلاثي أو رباعي فاخترت حنان مصطفى محمود، ومحدش عارف بقى انا بنت مين وده كان اول تمرد ليا، وده اول وقفة بيني وبين بابا". وأضافت: "أنا مكنتش حابة ابقى فنانة زيهم وعاندت كتير ودرست تجارة انجليزي بمنتهى الرفض اني ادرس فنون مسرحية مع اني بابا كان استاذ دكتور في المعهد وقعد يقولي انتى بتعاندي وماشية ضد التيار ليه هتلفي هتلفي وتبقى في عالم الفن، انا كنت بعاند علشان عايزة استقل ومبقاش في معية الأسرة وعلشان كده كنت عصبية وأنا صغيرة وصوتي عالي ولحد دلوقتي عصبية بس مش على الآخر". ونقدم لكم من خلال موقع (فيتو)، تغطية ورصدًا مستمرًّا على مدار ال 24 ساعة ل أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري ل أخبار الفن والعديد من الأنشطة الثقافية والأدبية.
