: ثورجى ولكن..!

ثورجى ولكن سرقوا منى ثورتى
ثورجى ولكن ماتت جوايا فرحتى
بيكى يابلدى يوم ماقولت كلمتى
أقول فلول.. لا دول مغول
تتار.. وقصدوا عزلتى
لازم أبقى فئوى
أو حتى حاد فى لهجتى
عشان يسمعونى.. عشان يفهمونى
و مايضيعش حقى فى دنيتى
********************
قومى يابلدى.. ساعدينى أنقذ ثورتى
قومى يابلدى.. وساعدينى اعدى محنتى
إيدك فى إيدى أمحى ظلامى فى سكتى
قوينى بيكى ماتسيبينى فى وحدتى
لعدو غاشم.. شيطان وطالب صحبتى
لا همه أرضك.. ولاحتى طينك
لا همه عرضك .. ولا حتى نيلك
حالف ليسرق كل خيرك
بشعار مزيف.. يكون بحزبى أو حتى دينى
غيرلى فكرلى نسانى صاحبى من غريمى
****************
فداكى عمرى.. أموت وأصونك
وأنحر عدوك واللى يفكر يوم يخونك