طوابير الحرية

مين شاف طوابير الحرية
فى شوارع مصر العربية
مين شاف الشعب المتنور
دا المصرى وقبله المصرية
طوابير ماكانتش عشان قوته
طوابير بترد على سكوته
طوابير علشان يدلى بصوته
ماهو صوته بقاله أهمية
الصوت من سجنه خرج بره
والكلمة معاه صبحت حرة
وسنين عدّاها كانت مرة
جاى غيرها بشهد محلية
الشعب المصرى على أصوله
عبر عن رأيه وقال قوله
لاطابور اتململ من طوله
ولا نبرة يأس وسلبية
مصر لا ح نسيبها ولا تسيبنا
فى هواها محدش كدبنا
بنعم أو لا احنا كسبنا
استفتا نزيه ميه الميه
بايدينا ح نبنى المستقبل
والجى أكيد أفضل واجمل
والصعب باذن الله أسهل
بسلامة قصدنا والنية