فى ذكرى ناصر أبو الأبطال ح نقول وقلنا ومهما اتقال أجمل كلام فى الحب أكيد ح يكون شويه عليك يا جمال أسد العرب زين القادة وزعيم بطل فوق العادة ولازيه شافت أمتنا ولا بعده جابت ولادة جوانا سيرتك محفورة ومعانا بالصوت والصورة خطبك دروس فى الوطنية وحكم وأقوال مأثورة قمت ومعاك ضباط أحرار ع الظلم ثورت ولستعمار وفتحت باب الحرية لمصرنا وكل الأقطار أنت اللى قلت ارفع راسك وصبحت رمز بإخلاصك ومشيت ما بينا بدون حراس كل الوطن كان حراسك قلت وكلامك كان هو اللى اتخد غصب وقوة ما يجيش برقة ولا استسلام ولا راح يعود غير بالقوة وقلت مصر ما هى تكية مش بيه وباشا وأفندية فيه فلاحين وكمان عمال دول يبقوا خمسين فى المية أعلنت حربك ع الإقطاع وقلبت وعدلت الأوضاع وللغلابة فى كل مكان أعادت حق افتكروه ضاع أنشأت للعلم مجامع ملكت فدادين للزارع ورفعت من قدر العامل وبنيت له شركات ومصانع فرضت اسمك ع الناس فرض وفضلت نجم نجوم الأرض ورحلت وأنت ما تملكشى من دنيتك غير قسط القرض مين يوم رحيلك مابكاشى داليلتها والله مانمناشى وقلنا ربنا ح يعوض بس العوض لسه مجاشى يا جمال يا حبيب الملايين ولا صاد م الحكام ولا سين عاش زيك من بعد مماتوا فيه ماتوا وهما العايشين فرق تسد واللى وراها بعدك مفيش حد قراها فى الفخ واقعين بمزاجنا وف بعض ناكل بشراهة أمتنا لعبة فى ايد قاصر وف غزة شعبنا متحاصر وشعوبنا حنت للأحرار وفى انتظار عبد الناصر