التنمر على فيس بوك يتسبب فى فسخ خطوبة "زلابية".. و3 فتيات يعيدن الثقة لها

لا يتخيل آلاف المعلقين على مواقع التواصل الإجتماعى أن بكلمة أو تعليق ساخر يدمرون حياة شخص أو يتسببون فى أذى نفسي كبير له، وآخر ضحايا التنمر كانت عروس من القاهرة تدعي "زلابية"، التى كان كل ذنبها أنها أرادت الفرحة بصور خطوبتها ونشرتها عبر حسابها على مواقع التواصل الاجتماعي ولكنها تعرضت لسيل من السخرية والعبارات الجارحة بسبب شكلها ومكياجها.
زلابية

ولم ينتهي الأمر إلى ذلك فقط ولكن بعد وصول التعليقات والانتقادت لخطيبها قرر فسخ الخطوبة، بعد 24 ساعة فقط دون أن يراعي حالتها ومحاولة تفهم الأمر وتجنبه، وبعد تداول قصتها قرر 3 فتيات يعملون ميكب أرتيست مساعدتها ودعمها نفسيا وذهبوا إليها من أسيوط للقاهرة للبحث عنها.
زلابية وخطيبها

وكتبت ولاء محمد خبيرة التجميل عبر حسابها :"جريمة أخرى من التنمر منذ حوالي أسبوع انتشر على السوشيال ميديا صورة "زلابيا" فى خطوبتها وهي بنت بسيطة لابسه فستان بسيط يبين حدود امكانيتها لكن التنمر على السوشيال ميديا لم يرحمها.. بنت زي دي مش عايشة العيشة اللي تخليها عندها انستجرام تتفرج على أحسن ناس بتعمل ميكب وشعر ولا تقدر تسافر برا مصر مثلا عشان تدرس وتعمل شوبينج وتكون كوول".


واختتمت كلامها قائلة:"زلابية خطيبها سابها بسبب التعليقات السخيفة لكن أحنا مجموعة قررنا ندور عليها ونعملها ميكب وشعر من أول علشان نبسطها وربنا يعوضها بشخص أفضل من خطيبها إلى قرر تركها بسبب تنمر السوشيال ميديا.

وقام الثلاث فتيات بعمل تغيير لزلابية بإمكانيات بسيطة وظهرت بعدها بشكل مختلف تماما لمجرد تغيير بعض أشكال الميكاب ولون الشعر، ليثبتوا مقولة "مفيش بنت وحشة"، وكتبت أحدهم بعد نشرها الصور الجديدة لزلابية :"احنا تلت بنات .. ولاء ونهى وسمر ..لما شوفنا البوست بتاع زلابية والتنمر اللي اتعرضتله قررنا ندور على البنت عشان نعملها ميكب وشعر ونبسطها ونثبت للعالم إنها حلوة من جوا وبرا".


وتابعت:"اتفقنا معاها وجاتلنا في بيت واحدة فينا وكانت من امتع اللحظات بنسبالنا احنا التلاتة واحنا بنبسطها ولما شافت نفسها بعد ما خلصنا..البنت كانت مكسورة جدا من كل التنمر اللي اتعرضتله ومكنش ليها ذنب فيه.. قرايبها نشرولها لها فيديوهات عشان تأذيها والناس مرحمتهاش أكتر وعملوا كوميكسات وفيديوهات سخرية على شكلها كسرتها وكسرت فرحتها ".
iframe src="https://www.facebook.com/plugins/post.php?href=https%3A%2F%2Fwww.facebook.com%2FWomenlivematter%2Fposts%2F618480338911412&width=500" width="500" height="778" scrolling="no" frameborder="0" allowTransparency="true" allow="encrypted-media"/iframe
فوتوسيشن لزلابية

التنمر
زلابية
ميكب ارتيست
تنمر السوشيال ميديا
اليوم السابع بلس
الموضوعات المتعلقة
ضبط 4 طلاب بتهمة التنمر على زميلهم داخل مدرسة بقنا
الإثنين، 20 يناير 2020 12:35 ص
ضبط 4 طلاب تنمروا على زميلهم بقنا.. ويعترفون: نمزح معه
الأحد، 19 يناير 2020 11:27 م
شابان يتنمران على أحد ذوى الإعاقة.. ويعترفان: صورناه بهزار
الجمعة، 17 يناير 2020 11:50 م
صدور "رصيف نمرة خمسة" للكاتب الساخر محمد حسين الجداوى
الأربعاء، 15 يناير 2020 03:00 ص