القارئ إبراهيم العطار يكتب : ماعدناش بنحكي زي زمان

وبسأل نفسي ألف سؤال
إيه اللى خلانا نكون نصين
وليه اتقسمنا علي طريقين
بلاقي الإجابة عشان الحب دخل ما بينا من غير ما نحس
طيب لو الحب يا ستي طرف ف موضوعنا ف ممكن نقوله شكراً متشكرين
بس ماينفعش نبقي اقرب اتنين لبعض ونكون مجروحين
احنا كنا بنحكي كل مشاكلنا وكل حالنا وماكنش مابينا سر بستني
دلوقتي كلامنا بقي بالشبر ، وبقينا بنخبي كلام كنا زمان بنحكيه ونضحك
دلوقتي بنضحك لكن علي بعض ، دلوقتي بقي بيحكمنا البعد
بقينا اتنين غرب ، بقي بيجمعنا الغرب، واديكي ف الشرق واديني ف الغرب
وبعدين ماهو طبيعي الحب لما يشوفنا قريبين بالطريقه دي يدخل مابينا
وهو الحب كان بييجي لمين غير للقريبين يعني ، ماهو لو مكناش قريبين ماكنش عبرنا
غار مننا الحب يا ستي ، فقال لازم يعد وسطنا ويستربع ، وخلاص بقي مربع وبقينا ف اضلاعه وخلانا من أتباعه
بس ممكن نقوله شكراً يا عم ونفضي لحالنا ونسيبه لحاله
لو هاوصفلك الى بينا فهو اكبر من حبيبين ، الي بيننا بينا احنا الاتنين
لازم نرجع زي زمان
ولازم دي أمر مش إمكان
لازم نتكلم ونضحك زي ما كانت صورتنا علي كل البيبان
تعالي نتملي ونستهجي راحتنا الي سابتنا ونملي بيها الايام اودام
واحشني الكلام الى ماكنتش بعرف اطلعه من جوايا لما بعاني
وكنتي م الثانيه الاولي بتقوليهولي بلسانك يا قرياني
واحشني كلامي معاكي وانا متطمن ومانيش خايف
واحشتني ردودك الي من قلبك ، واحشتني دقات الشفايف
كام مره كنا بنتكلم والوقت بيجري ومش حاسين
طب كام ضحكه كانت ف وشوشنا وكنا ساعتها ناقر ونقير
ماتيجي نرجع ودانا لوترها ، كلماتنا ف بعادنا بقت ناقصه الحانها
لو الحب هايفرقنا ف انا مش عاوزه ، لكن انا عاوزك
لو الخوف هايدخل بابنا ، مش هافتحله ، لكن هافتحلك
واحشني حنينك ، صوتك قولك ، لونك نورك
واخدني ايام كانت ممضيه بضحكه عينك
ليه ماعدناش بنحكي زي زمان
ده احنا بنقري بعض من قبل الكلام
كل حاجه بتحبيها لقيتيني بحبها
أصلاً كل حاجه كان نفسك فيها كان عندي منها
نفس الوانك هيا الواني وبرده اماكنك كانت مكاني
الكيميا الى بينا لو لفينا مش هنلاقيها غير فينا
ومن غير كتر كلام وقلنا وقال
احنا هانرجع زي زمان
انا ماعنديش استعداد اخسرك
ولا عندي استعداد بان الحب يغربك
ولا يبطئني ولا يأخرك
وماتخافيش ماعمريش اتاخرت عنك واحنا متخانقين
فمايجوزليش اتاخر عنك وقت الادان
تعالي نسبق الى فات ، ونفوت المتساب
ومافيناش من عادناش بنحكي زي زمان
وانا جاهز وانتي كمان.
الحب
الحكاوى
الغيرة