أديب: لم أسمع أى شائعة تظاهر اليوم والنهاردة الوطن جميل ومصر حصن منيع

قال الإعلامى عمرو أديب، إنه لم يسمع أى شائعة للتظاهر اليوم، معلقاً: "النهاردة الوطن جميل وهادى، مصر دى حصن منيع، على مدى التاريخ ديما بيحصل الحاجات دى كتير".
وأضاف أديب خلال تقديمه برنامج "الحكاية"، على فضائية "MBC مصر"، :"قعدوا الإخوان مع بعض وقالوا هو الموضوع باظ ليه، واكتشفوا 3 حاجات، وهى وعى الشعب المصرى، يعنى عارفين مصلحتهم فين وفين الحرامى والنصاب واللى عاوز يهد البلد، وإن مصر دولة قوية متماسكة وبها أجهزة أمنية واخدة بالها من البلد، فى وقت كانوا متخيلين إن رئيس البلد وكل القيادات مسافرين معاه بره، وفرصة تتقلب، وثالثاً، طلع إن فيه أعلام ما زال ينبض".
وتابع أديب: "قالك احنا عايزين نضرب بقوة، الأمن وشوية الإعلام اللى موجودين - وأنا بكلمكم عن ماتش نتيجته اتحسمت هم اتهزموا واحنا كسبنا - قالوا تعالوا نخلص على الأمن وشوية الإعلام، وراحوا جايين قالك، الحق الأجانب اللى كان مقبوض عليهم طلعوا متفبركين".

وعلّق أديب قائلاً: "الإخوان بيكرهونى عمى، عشان كان ليا دور إن الإخوان يوقعوا وكده، وكنت بقولهم فى وشهم غوروا.. وعمرو مابيفبركش ولا يكذب، ممكن أغلط، إنما أفبرك لا مش هعملها".
وذكر أديب أن النائب العام كان قد أصدر بياناً بشأن إخلاء سبيل الأجانب المضبوطين فى أحداث التظاهر 20 سبتمبر بعد التحقيق معهم وتعهد سفاراتهم بترحيلهم فورا، وكذلك بيان وزارة الخارجية، بشأن إخلاء سبيل المواطن السودانى المضبوط فى أحداث تظاهر 20 سبتمبر بعد انتهاء التحقيق معه.
واستطرد أديب، :"مكنتش متخيل إنه يبقى فيه سرعة فى إدارة الأزمة بالسرعة والكفاءة دى"، مردفاً:"لو كنت حاولت إنى أجيبلكم جرافيك لشكل البلد هم عاوزينها ازاى مش هتيجى زى اللى حصل فى بغداد".