سامح فكرى رتيب يكتب: تحيا مصر

بنحب أرضنا وهنبنى سوا مصر
وهنبدأ الرحلة وأيدها فى أيدينا
ونقول سوا من قلبنا تحيا مصر
ونحقق حلم عمرنا وأجمل أمانينا
ونعمل ليل ونهار عشان نبنى مصر
والنصر بكرة لولادنا واليوم يكون لينا
وبنحب مصر وندوق حلاوة النصر
ما دام كل اللى جاى بكرا فى أيدينا
وبتاج المجد والنصر نكلل رأس مصر
دا حبها فى قلوبنا وصورتها فى عينينا
ونعصر كل صعب فى طريقنا عصر
وإحنا ولاد مصر وربنا على الصعب يقوينا
وقلوبنا تحلق فى سماء بكره كالنسر
ونقطف من نجوم السماء نجم لينا
وإحنا مصنوعين من صخر غير قابل لكسر
ومين تانى يتجرأ يقف قصادنا ويقدر علينا
ومين يقدر يعمل لانجازات ولادك حصر
وكل يوم تزيد وأيدينا فى أيد بعضينا
وبنحبك يا مصر وعلى حبك نصر
دا أنتى علينا حنونة والحبيبة اللى لينا
وتسلمى يا مصر لينا من أى شر
دا أحنا من فيض حبك ونيلك ارتوينا
وبنحبك يا مصر وحبك لينا جسر
ويوم عيد النصر فى حضنك التقينا
وحبنا ليكى فى كل الأرض ذاع وانتشر
وتحيا مصر ويعيش الوطن حر لينا
وتحيا مصر فى ازدهار فى كل زمان و عصر
وفى مواكب النصرة تمشى ومعها ماشينا