: تعيشى يا مصر عظيمة

أنا اللى فى سينا رويت رملك
بعرقى و دمى وحفظتك
أنا إبن النيل و شعب أصيل
وليا الفخر أكون إبنك
و أنا الموعود أكون موجود
على وش الدنيا يوم نصرك

أنا اللى بروحى بفديكى
أخد من عمرى و أديكى
أنا إبن شهيد و قلبى حديد
أنا اللى الموت يخاف منى
ولو صادف فى يوم و قابلنى
هيقولى أنت اللى بتجننى
كل الناس بتهرب منى
و أنت بالأحضان تقابلنى
...

أنا جندى أصيل مالُهش مثيل
روايح الجنة على جبينى

بإيد أحمى أنا ترابك
و إيد على كتف أحبابك
و عين تحرس دنيتى و دينى

فى أكتوبر كتبت تاريخ
بكلام كله عربى فصيح
وخليت للدنيا عنوان

"أنا المصرى فى كل مكان"

شايل همك على جبينى
يا مصر و حبك مدفينى

وهَاعبر بيكى مهما يكون
و لو أحارب لوحدى الكون
..

واهم قالوا دا سد منيع
وكان رأيى بمايه يضيع
وياما قالوا إلوف هتضيع
قام عبر الوحوش مجاميع

فى أكتوبر و شهر الصوم
ولو حكمت دا أنا أعبر عوم
دى الدنيا يا مصر فى كوم
و تبقيلى لوحدك كوم

و تعيشى يا مصر عظيمه
كما العاده عليكى القيمه

بجنودك و أعظم قاده
و فى قلوبنا وكمان بزياده
هنحبك و نفضل ساده
ماهو حُبك فى دينا عباده
ماهو حُبك فى دينا عباده