كشف هيثم عرابى مدير التعاقدات السابق بالأهلى، حقيقة ما نشره الجابونى ماليك إيفونا مهاجم الفريق الأحمر السابق وتيانجين الصينى الحالى، حول العودة إلى القلعة الحمراء. قال عرابى عبر حسابه على تويتر، "الله يسامحك يا إيفونا صحيتنى من أحلى نومة، يا شباب فريق الأهلى ماشى باستقرار الحمد لله وكوليبالى وأجايى ماشيين كويس الحمد لله ولازم نساعد الناس عشان الاستقرار دا يستمر أكتر، ونمنع أى خبر أو أى شىء يعمل بلبلة للفريق، الناس كلمتنى عشان الصورة اللى نزلها وكلمت ماليك ووكيله عرفت أن إلى وصل للناس من الصورة مش هو الصح، السبب وهو أنه راجع من الإصابة قريب فى وقت اسرع مما كانوا متخيلين بعد أسبوعين أو 3 وكان متوقع وقت أكتر وفى نفس الوقت عاوز يزور مصر قريب لأن النادى ومصر وحشوه وده كان قصده من الصورة، وعمومًا أنا طلبت منه أنه يوضح بعد كدة أى بوست يكتبوا عشان محدش يفهم غلط واستقرار الفريق، وهو تفهم دا وعشان أنا كالعادة اللى بشيل الليلة. كان إيفونا قد نشر صورته بقميص الأهلى، وأكد أنه سيعود إلى القاهرة قريبا، وهو ما فتح باب التكهنات بعودة اللاعب لصفوف الفريق الأحمر قريبا. هيثم عرابى عن عودة ايفونا
