بالصور.. حملة "بطلهم واستمتع بفلوسك" لتعديل سلوكيات مصطافى شرم الشيخ

بعد تجاهل القائمين بوزارة السياحة، لمعالجة السلوكيات السلبية للمصطافين داخل الفنادق والمنتجعات السياحية بمدينة شرم الشيخ، وانتشار الصور السلبية لعدد من المواطنين على "السوشيال ميديا"، مما جعلهم عرضة لسخرية الكثيرين، دشن بعض النشطاء حملة "بطلهم واستمتع بفلوسك" على موقع التواصل الاجتماعى "فيس بوك"، لمعالجة بعض السلوكيات السلبية بطريقة بسيطة بدون توجيه أى نقد لاذع للمصطافين "ماتعملش بيبيى فى البسين" و"ممكن تلبس شورت البحر أو مايوه.. بلاش الملابس الداخلية" و"ما تنشرش هدومك فى بلكونة الغرفة" و"ما تعملش بيبيى فى البحر.. النظافة من الإيمان" و"بلاش تاخد الشوك والمعالق من المطعم" و"ما تقلعش عيالك كل هدومهم قدام الناس.. استر عيالك".
وأكدت الحملة أن السياحة الداخلية استطاعت أن تثبت دورها خلال الأزمات الاقتصادية، مشيرة إلى وجود بعض المواقف السلبية من بعض الاشخاص يجب تجنبها.
ما تعملش بيبى فى البسين
ما تقلعش عيالك كل هدومهم قدام الناس
بلاش تاخد الشوك والمعالق من المطعم
ما تعملش بيبى فى البحر
ما ترميش حاجة على الأرض.. حافظ على نظافة بلدك
ما تنشرش هدومك فى بلكونة الغرفة
ممكن تلبس شورت للبحر أو مايوه
اشرب اللى انت عايزه من البار.. بس رجع الكباية مكانها
خد على قد أكلتك.. ولو احتجت تانى روح خد أكل تانى
موظفو الفندق موجودون عشان يخدموك.. على الأقل قولهم شكرا
موضوعات متعلقة..
المصريون حولوا شرم الشيخ ل"بلطيم".. الذهاب للشواطئ بالملابس الداخلية والتحرش بالسائحات.. إتلاف محتويات الفنادق والمطاعم وتكبيدها خسائر فادحة.. والعاملون: "مش عايزينهم ييجوا دول بيبوظوا الدنيا"