بالفيديو.. ياميش الغلابة يسجل ارتفاعا بالأسواق.. وستات بيوت عن سعر البلح: "كل واحد على قد مقدرته"

يعتبر التمر أو البلح هو الشىء الأساسى الذى يكسر به المصريون صومهم لحظة الإفطار فى شهر رمضان وذلك اتباعاً للسنة المحمدية ويعتبر ياميش الغلابة بحق، حتى الذين ليس لديهم قدرة مالية على شراء الياميش يشترون البلح كتعويض عنه.
ورصدت كاميرا "فيديو 7′′ قناة اليوم السابع المصورة أسعار البلح بسوق الساحل هذا العام وأكد معظم التجار أن أسعار البلح ارتفعت عن العام الماضى.
فمن جانبه قال محمد المصرى أحد التجار إن: "أسعار البلح ارتفعت السنة دى عن السنة إللى فاتت وبتبدأ من 5 جنيهات لحد 15 جنيها".
وأضاف: "السنة إللى فاتت كنا بنشترى البلح ب2 جنيه لكن النهاردة أقل بلح سعره 6 جنيهات وده الشعبى لكن الغالى سعره بيبدأ من 5 جنيهات لحد 15 جنيها".
وقال محمد حسنى، أحد البائعين: "البلح السنة دى زاد أكتر من 3 جنيهات فى الكيلو عن السنة إللى فاتت والأسعار السنة بتبدأ من 5 جنيهات لحد 25 جنيها وسبب ارتفاع الأسعار التجار الكبار".
واستعرضا لآراء المواطنين فقالت إحدى السيدات: "الحمد لله الأسعار حنينة فيه ب7 و8 جنيهات وكل واحد بيشترى على قد مقدرته".
وقالت سيدة أخرى: "الأسعار السنة دى غالية عن السنة إللى فاتت مش البلح بس والياميش كمان".
وقالت سيدة أخرى: "الأسعار السنة دى غالية جداً عن السنة اللى فاتت وكل منطقة الأسعار بتغلى فيها عن المنطقة التانية وكل حاجة غليت مش الياميش بس ".
قال احد الزبائن :" اللفظ المشاع فى البلد إن كل حاجة غليت لكن مفيش حاجة غليت خالص واللى على حاجات بسيطة جدا مثلا المشمشية كانت السنة اللى فاتت ب55 جنيه السنة دى 65 جنيه مش غالية ".