صحافة المواطن: طالب فى كلية زراعة يطالب بعلاجه على نفقة الدولة

أرسل القارئ أحمد عادل سلامة إبراهيم، طالب فى السنة الرابعة بكلية زراعة جامعة القاهرة، شكوى يطالب بعلاجه على نفقة الدولة بعد تعرضه لحادث.
وقال القارئ فى رسالته، "عامل حادثة بقالى سنتين ملازم فراش المرض والكلية وفقت أنى امتحن، إنما مدير مستشفى طلبة جامعة القاهرة مش موافق يحجزنى امتحن وده حقى ورحت قبل كدة قال أنت ملكش عندى علاج حالتك صعبة، والدكاترة قالوا منعرفش نعملك عملية".
وتابع، "عملت العمليات كلها بره على حساب أبويا وصرفنا 350 ألف جنيه وبيعنا الأرض بتاعتنا عشان أتعالج، لأن المستشفى بتقول لا يوجد علاج عندنا وعندى كسور وقطع فى الضفيرة العصبية للطرف الأيمن ادى اللى عدم تحركى نهائيا".
وأردف، "أنا بطالب بأقل حقوقى هو أنى اتحجز وامتحن زى أى طالب نفسه يأخد شهادته وكمان بشترى علاج شهريا ب2000 جنيه على حساب أبويا ومش راضين يدونى العلاج بيقولوا مش متوفر عندنا علاجك، المشكلة أن التيرم ده مش راضين يحجزونى فى المستشفى، وأنا حالتى متسمحش أنى امتحن فى الكلية وكمان الإدارة الطبية لجامعة القاهرة عامليتلى تقرير إنى امتحن فى المستشفى نظرا لظروفى الصحية".
واختتم رسالته، قائلا "احتجزت التيرم اللى فات وامتحنت هناك فى المستشفى وليا تقرير هناك بحالتى أنى هاخد علاج مش أقل من 5 سنين وللأسف الرد لا يوجد علاج عندنا مع أنى المفروض ليا علاج تبع التأمين الصحى".
موضوعات متعلقة:
صحافة المواطن.. نورهان تعانى من عدم التحكم فى عملية الإخراج ووالدها يطالب بعلاجها على نفقة الدولة
صحافة المواطن.. مصاب بالشلل الدماغى يطالب بمساعدة الدولة وأهل الخير على علاجه فى الخارج