جمعت أكثر من ألفين داعم.. فتاة تدعو حماقى للشهود على عقد قرانها عبر فيس بوك

المطرب العاطفى هو فتى الأحلام الأول لكل فتاة فى فترة المراهقة، حيث تهيم عشقا بمطرب ما وتتحول كتبها وغرفتها باسمه وصورته، وهذه مرحلة فى حياة كل فتاة ثم تنتهى بنضوجها ويتحول العشق إلى مطرب مفضل تسمع أغانيه أحيانا وقت فراغها، لكن الأمر اختلف مع "ريهام" العروس التى سيعقد قرانها بعد أيام مع فتى أحلامها الحقيقى التى قبلته شريكا للعمر.
ريهام لم تنس أسطورة هيامها ب"حماقى" وتمنت أن يكون شاهدا على عقد قرانها ولكنها لم تستطع الوصول إليه، فاستخدمت حسابها الشخصى بموقع التواصل الاجتماعى "فيس بوك" لتوجه له رسالة بالحضور مطالبة المساعدة من رواد موقع التواصل حتى يصل صوتها لحماقى ويلبى حلم حياتها ويسعدها يوم زفافها.
وبكلمات طيبة تليق بفتاة محبة للحياة ومتفاءلة قالت "ريهام" التى لقبت نفسها ب"كهرمانة" فى دعوتها: "بصوا أنا مش عارفة أقولهالكوا إزاى.. ولو ده جنان فى أنا هاتجنن ولو لمرة واحدة ف عمرى.. ومفيش حاجة مستحيلة، أنا أمنية جوايا من 11 سنة، وجه وقت محاولة تحقيقها.. حماقى يحضر فرحى، وبما إنى مش هعمل فرح، فأنا عاوزاه بس يحضر ويشهد ع عقد جوازى، مش عاوزاه يغنى.. بس يحضر".
وتابعت "اللى فيكوا عارفنى من زمان.. هيبقى عارف كويس أوى الأمنية دى بالنسبالى إيه، شبيه أحمد حلمى أتمنى عمره كله أحمد حلمى يحضر فرحه، ووجه دعوة رسمية لحلمى وحلمى فاجئه وجاله فرحه، مفيش مستحيل.. بس اللى فيكوا يعرف أوجه دعوة رسمية لحماقى إزاى يقولى وانتوا اللى طالباه منكوا البوست ده يلف الفيسبوك لحد ما يوصل لحماقى نفسه أو ع الأقل حد يوصله لحماقى.. جنان؟ أوكى أنا مجنونة بس مش هفضل ساكتة تافهة؟ أوكى بردو أنا راضية أبقى تافهة لو هحقق أمنية بتمناها".
موضوعات متعلقة..
- الدواعى "الفنية" تهدد حفل تامر حسنى ومحمد حماقى