أيا بحر.. أغرقتنى فى ملح ميك..؟ أذبنى فى دوام رملك..؟ وفى حبها أحرقنى فى غروب صمتك..؟ أراد حبى زى البحر الميت.. وأنا قلبى اتعمَد فى موجك..! ويرغب حبى رمادى مش زى أصفر شطك..! وأنا عشقى أبيض مِن زَبدك..! ,,,,, أيا بحر.. ليه مش عاوزنى فى همسك.. ولا فى نورس فجرك.. ولا فى رقص طيفك.. على ضى بدرك.. حتى .. ولو فِ سَواد ضلك..! ,,,, أيا بحر.. ليه مش عاوزنى فى الرملة الهاربة من مَرار مِلحك.. للقصر اللى بانيه وحِلمت فيه ب زفك..! عروس بحر على بابه ب يختك.. وياما قُلت لها يا حبيبى قاربنا شراعه من جينزك..! ومجدافى متين ضفرته من رِمشك..! اللى يا ما سهرت ألمه حتى لايسَاقط فى عينك.. فيصحيك من أحلى نومك.. ويحرمنى من سكنى على حافة فرشك..! أتأمل ملاكى النائم بسم الله .. ماشاء الله سُبحان من خلقك..! ويطردنى من جنة حَرسك..! ,,,, ليه يا بحر.. زى حبيبى مش عايزنى فى حُبك..؟ واللا.. إنت مريض ودواى فى هجرك..! ذنبى إيه فى ربيع عمرى جف فى قلبى حِسك..؟ وفى شيبى عَ الشط يفيض عشقك..؟ ليه يا بحر.. لم تقل لحبيبى.. أنى نهر مسافر لم يمس يوماَ إلا عروس بحرك..! وما حَب غِيرها واغتصبه حُبها فى عبور جسرك..! فهوى فى لذة يم ولكن.. ولكن فى ألمك..! *****