طب ماتغير ليه عم تخوت راسي كتير ما إنت حبيبي كنت عجوز او شاب فقير مالك جاي طايح يا صعيدي ما أنا قلتلك مش رايداك عُليقة ف إيدي رايداك راجل حبه حقيقي بتصيح ليه يا أبو قلب كبير شكوتي من غيرتك مش عيبة دي مشاعر مطوية حرير غيرة حريمي ودي مش خيبة وأنا ماسمعش لخلق حمير واللي يقولك غيرة الست دي قلة وعي وقلة قيمة ده يبقى ضرير مشغول ليه بقى بالتفكير؟! غيرة الست تعلي الهيبة تكتب اسمك في الأساطير غيرة الست يمامة بطرحة لو تمسكها تجري تطير غيرة الست تقوي الراجل ترفع راسه ويبقى أمير مش راح أقولك إوعى تغير بس هاقولك كيف تقارن باللي زرعت حياتي ف إيده واللي بعيش على نبض وريده واللي عنيا من غير ما أحكي تقول بتريده بشباب تافه عقله صغير كيف تقول جات ع الرجالة هي حياتي ناقصة قوالة روح ده رجال الدنيا ما تسوى وقفة ست في وقت زمالة شوف يا صعيدي الخلق مرير غاويين لف وحب قصير وكلام معسول وفطير وإنت إن غاوي تغير.. ماتغير شطة غيرتك تسعد قلبي ترسم شجرة حبك جنبي وإن كان حبي ف قلبك نار حبك يا حبيبي مش ذنبي وإنت عارفني مفيش تغيير وإنت اللي شيطانك شرير بيصورلك ألف حكاية وإنت خفيف زي العصافير شوف يا عيوني إنت حبيبي وإنت جنوني إنت اللي هديت قلبي بنور رغم ظنونك رغم ظنوني شوف الحب بقلب صبية يهدي العقل بنظرة بحبه ارمي الشك ده من على جفنك حس ودوق معنى الحنية دي حبيبتك أجملها حورية واعشق يا صعيدي بضمير وغير