تحطيم مكتب شركة أتوبيسات لنقل الركاب بأسعار منخفضة بموقف المنيب

كشف ناصر هيكل، مدير المتابعة لمواقف محافظة الجيزة، عن قيام سائقى ميكروباصات الصعيد بتحطيم مكتب شركة نقل خاصة تعاقدت مع إدارة الموقف تعاقدًا رسميًا لنقل الركاب بسعر أقل من أسعار الأجرة العشوائية الموجودة فى الموقف، حيث تعدى عليها السائقون وقاموا بتكسير المكتب منذ أكثر من شهر.
وأضاف هيكل فى تصريح ل"اليوم السابع": "ما فيش أى جهة جاءت حققت فى الموضوع رغم أن الشركة دى جاية لراحة الركاب وللقضاء على جشع السواقين، وقمنا بعمل دورات مياه للركاب والسائقين ولدينا بائعين وعشوائيات من أيام الثورة ومعندناش مساعدة من الحى أو من الشرطة".
وتابع هيكل: "فيه مجهودات من رئيس الحى ولكن الأمر يحتاج متابعة للقضاء على أزمة الباعة الجائلين وفيه مواقف فى المنيب ما فيهاش تندات والسائقين والركاب بيقفوا فى الشمس فى ميدان المنيب والأمر ده محتاج مساعدة من المحافظة نفسها".
واستطرد هيكل "أغلبية السائقين لديهم جشع كبير الموظف بييجى يركب فى العيد ب100 جنيه بدل 60 ما ينفعش هيجيب منين ما فيش رقابة على السواقين من الشرطة مش معقولة موظف هيمسك فى سواق ده عايز تدخل الشرطة بيبقى فيه خطط لمقاومة ده بس ما بتتنفذش".
وأوضح هيكل أن اللواء على شعير رئيس الجهاز التنفيذى للنقل الجماعى بمحافظة الجيزة يقوم مجهودات كبيرة قائلاً: "بينزل يمر بنفسه على المواقف لكن فرد لوحده مش هينفع لازم الحى يعاونه وشرطة المرافق تعاونه لأنه فيه تقصير، وأضاف: اشتغلنا لوحدنا فى موقف السويس والواحات وقمنا بعمل أحواض زرع بداخله ودورات مياه بمجهوداتنا الذاتية محدش عاونا بحاجة وطالبنا بمساعدات كتير ولم يُستجب لنا وما فيش بادينا حاجة مش هنقدر نشتغل بدون معاونة".
وتابع: "سبنا موقف المحور طريق مصر إسكندرية للجيش وشركته الوطنية وقامت بسفلتته وقدرت تعمل فيه إلى إحنا مقدرناش نعملوا لأن عندهم تعاون".