ومش عوزاك

كفاية كدب كفاية وهم كفاية عذاب
كفايه بكره يكون ماضى يكون كداب
كفايه اللى عدى وضاع من عمرى ولا فى حساب
غلطت كتير ونتصالح من غير عتاب
بعدت كتير ونتقابل نقول أحباب
غلطت كتير ولما ترجع ألاقى قلبى فرحان
وكان قلبى يتمنى رجوعك ليه ده من زمان
ولما تبعد ألاقى صوت جوايا يقول خلاص
ألاقى صوت جوايا بيقول كلام وألف صوت وصوت يتمنوا أمان
ألاقى قلبى بينادى
ده الدنيا من غيره متتعاش
والفرحة اللى مش فيها متتشاف
ده العمر اللى بيعدى ومش ليه بيندم على كل لحظة ضاعت فيه
وفى الآخر أقول بهواك أقول ياحبيبى أنا مسمحاك
أنا بهواك
وفى الآخر ألاقى النقد جوايا ومش شيفاه
ألاقى عقل بينادى وأشوف قلبى بيدادى
وتغلط تانى وتحلف تانى وتبعد تانى وكل حياتى معاك من تانى خلاص من تانى أنا بيعاك
أنا عوزاك أنا مسمحاك أنا مش عارفة ............
وتهات منى أفكارى وتاه الحب من تانى وغطى الجرح أحزانى وضاع صبرى أنا بيعاك
ألاقى دموع بتنادى ألاقى قلبى بيدادى وألاقى ألف عزر وعزر أنا مسمحاك
...... أنا بيعاك ومش عوزاك ..........
وحياة دمع قلبى وسهر الليالى
وحياة قلبى اللى ضحى بالعزيز والغالى
لهسيبك تدوق المر فى بعادى
وهتألم ............ وهتعلم
وأعيش مجروحة ما أتكلم
ولو بإيدك الدوا
ولو فى دربك الهوا
ولو هموت .............أموت
أكون راضية أنا عنى
أكون حاسة بانتصار
وينزل دمعى بافتخار
ولو هموت.................. أموت
ما أنا مت من سنين
ما أنا مت من الحنين
أنا مت فى كل لحظة بعدت فيها قربت فيها
أنا بجد تعبان ومش عاوزاك