إسمعنى يا قلب كفاية تعبت من المشاوير وتعبت يا قلب معايا حملتك ياما هموم .. وأصعب هم حملته هو هوايا من كتر قساه كنت ألمح دمع القلب .. بيسيل أنهار جوايا أتوهمت العشق الجنة .. وإن عيون البت دوايا إتضح العشق خيال .. وإن عيون البت ملهاش أى حقيقة .. غير جوايا وأنت يا قلبى .. أنت لوحدك اللى تعبت معايا إسمعنى يا قلب كفاية إسمعنى تعال نعيش من تانى وأوعى تقولى نحب أصل خلاص الحب .. داب جوايا بعد ما دبت معاه .. ودبت يا قلبى معايا يلا يا قلبى نلم الباقى .. يمكن ف المشوار الجاى نلاقى حد يحب بجد وعمره ما يغدر ولا يخون ويرضى يشاطر قلبى المر ولكل عهود الحب يصون بس أكيد مش حتلاقى .. قلب بحجمك .. يرضى يكون مجنون أنسى يا قلبى ويلا .. دا العمر يا دوب فاضل منه يومين .. ف الماضى تعبتك أنت .. وادينى دلوقتى .. حتعب حتى العين من كتر البكا ع الماضى كفاية يا قلبى وقول للعين .. يلا نسايد عاشق .. مات موتين يلا يا قلبى معايا .. أحمينى من شوق جوايا عايز يحيي ذكرى هوايا أحمينى يا قلبى وقوله كفاية إبعدنى بعيد م العشق .. وكفاية إنى صبرت سنين .. وأدينى جنيت .. تعب القلب ودمع العين منتصر سلطان محمد أسوان السيل [email protected]