كلمات.. فى الحب

■ عندما تحب بصدق ستجدنى كتاباً مفتوحاً.. عندما تحب بصدق سينتهى كل الغموض.. عندما تحب بصدق ستشعر بكل ألم سببته لى.. عندما تحب بصدق سترى الوجود فى عينى.. عندما تحب بصدق ستنسى الدنيا فى وجودى.. عندما تحب بصدق ستعرف معنى ما أقول!
مروة رسلان - المنيا
marwa_rslan@hotmail.com
■ يوم أن أهدتنى وردة.. يوم أن أرتنى ابتسامة.. يوم أن عبرت أحزانى.. يوم أن تخطت موانعى.. يوم أن أزاحت أستارى.. يوم أن أحيت مشاعرى.. يوم أن تعلقت بى.. يوم أن ظلمتنى بغيرتها علىّ.. يوم أن قالت أحبك أنت يا حبيبى.. يوم أن أشعرتنى بحياتى.. يوم أن نزعت ما يجول بداخلى.. يوم أن رسمت ابتسامتى.. وامتزجنا سوياً.. إنه يوم ميلادى.
كمال وهيب زكى المحامى
كوم أمبو - أسوان
■ قلتى بحبك قلت وماله.. أصل أنا قلبى لسه ف حاله.. هى ليالى والشوق جاله.. واتكحلت العين بجماله.. سهروا عيونى وبالشوق قالوا.. أحلى كلام لعيون بيلالوا.. بس ما كان يخطر على بالى.. إنه هينكر حبى بحاله.. رغم قساوتك قلت لا يمكن.. قلت دى كدبة أبريل ممكن.. قلت اتكلم تانى ويمكن.. قلتى كلام معناه مش ممكن.. رغم حنينى اللى ما زال.. يشبه نهر النيل لو فاض.. لازم أنساكى وف الحال.. يصبح حبك م الأنقاض.. لازم أنساكى واتعلم.. مهما ف ليل الدنيا تضلم.. لازم يطلع صبح بداله.. أفرح فيه والقلب يسلم.
خالد عبدالفتاح جلال
khaled_abdelfattah@hotmail.com
■ شايف فى عنيك النهار.. حبك جوايا مفهوش أى اختيار.. أيامى اللى قبلك ليل واللى جاى من غيرك يعنى انتحار.. صوتك باسمعه عصفور طاير بين الأزهار.. نفسك باحس بيه مع كل جرة قلم يكتب قصائد وأشعار.. عايزانا نبعد وتقولى مفيش اختيار.. دا بعدك عنى هيكون الانتحار!
حاتم خطاب
جمعية «رسالة»
■ ماتقلبيش ماتقلبيش ف دوايا ف هوايا.. ف اللى داريته سنين جوايا.. مالكيش دعوه بأسرارى بأفكارى.. من حقى أخبى ف قلبى وأدارى.. من حق قلبى يكون ف حكاية.. ماتصدقيش ف اللى أنا كاتبه.. ده كلام أنا وقلبى باعاتبه.. ماتقربيش م اللى باحبه.. هتقربى ح يبقى نهاية.. وسيبينى أعيش حياتى.. بلاقيها ف ذكرياتى.. وكفاية إنك يوماتى.. إنتى اللى عايشة معايا.. ابعدى عن أحلامى.. وماتقفيش قدامى.. ماتقصريش أيامى.. ف الحلم بلقى هنايا.
محمد عبدالفتاح بدر
■ لو كانت دموع العين.. هترجّع لحظة حنين.. كنت أبكى يا حبيبى.. وأحزن طول السنين.. لكن إحساسى بيك.. وخوفى لدموع عنيك.. هيخلونى أعيش.. العمر ندمان عليك.. عيّشتنى فى حب عمرى فى الحنان.. حسستنى يعنى إيه كلمة أمان.. حبيبى امسح دمعتك.. هامشى بعيد عن سكتك.. حبيبى امسح دمعتك.. هاعيش فى دنيا غير دنيتك.. اضحك يا حبيبى ضحكتك.. أنا ماستهلش دمعتك.. بلاش دموع بلاش أحزان.. دانا ماستهلش لحظة حنان.. لو كانت دموع العين.. هترجّع لحظة حنين.. كنت أبكى يا حبيبى.. وأحزن طول السنين.
رجب جنيدى