أهل مصر الطيبين

يا أهل مصر الطيبين
المهمومين بهمها
من شمالها لشرقها
من جنوبها لغربها
يا أهل حق ومؤمنين
من عصر أخناتون موحدين
وموقنين بوجود ربنا
لا فينا كفرة أو ملحدين
ولا للأديان منكرين
يعنى إيه يبقى ما بينا
جماعة اسمها مسلمين؟
حايعلموا الإسلام لمين؟
فى الفجر ساعين للمساجد
وفى الصلوات مرفوع أذان
واحنا ما بين راكع وساجد
قارئ وحافظ للقرآن
ووجوهنا شطر المساجد
ويوم الجمعة مؤتمين
يبقى قولى إنتوا مين؟
وهو فيه مسلم جبان؟
ولا يفجر فى الإنسان؟
ولا عايش فى الجحور
زى خفافيش الظلام
يبقى قولى إنتو مين؟
من أى ملة وأى دين؟
ليه عندكو الحرام حلال
والمشكوك فيه يقين
أهدرتوا دم المسلمين
الشاهدين الموحدين
يا أهل مصر المخلصين
وحدوا يلا الصفوف
انبذوا بينكوا الخلاف
اوعوا تخدعكوا المظاهر
دينا دين نية ويقين
مش بالإسلام بنتظاهر
شبكوا بينكوا الكفوف
مصر بيكوا راح تطوف
وتعبر نهر المشاكل
وكل خاين راح يشوف
حقيقته إنه خسيس وفاشل