السبت.. توقيع كتاب "إزاى" لحنان مفيد فوزى بديوان الزمالك

تنظم مكتبة ديوان بالزمالك حفلا لتوقيع ومناقشة كتاب "إزاى" للكاتبة حنان مفيد فوزى، والصادر عن دار سما للنشر، وذلك فى الخامسة والنصف مساء السبت 10 يناير.
أجواء كتاب "إزاى"
ومن أجواء الكتاب، "رغم إن ما فيش حد فيكى يا بلد عنده طقطان للقراية دلوقتى، ولو بالصدفة البحتة، سمعلو برنامج أو شافلو فيلم غالبًا بيسّقط ف نصه والواحد منا أساسًا بقى بيتكلم بالعافية، لكن مش هنخسر حاجة لو جربنا نفهم القفشة دى جاية منين تحديدًا، يمكن جاية من طرف تالت أو طابور خامس أو جيران بالدور السابع أو حامل فى التاسع، أو ربما من ظروف واشتغالات أو علاقات وتطورات أو جايز سببها إننا مش عارفين إزاى نتعامل مع الحياة ونعيشها صح، مش عارفين إزاى نختار مضبوط، وإزاى مانكررش أخطاءنا، وإزاى نسيطر على انفعالاتنا وإحباطاتنا، وإزاى نواجه الملل والزهق والقلق، وإزاى ناكل اللى يفيدنا، وإزاى نشرب اللى يروينا، وإزاى نلبس اللى يعجبنا، وإزاى نوفق ألواننا، وإزاى نحب اللى يسعدنا، وإزاى نشتغل اللى ينجحنا، وإزاى نكسب اللى يرضينا، وإزاى ننام على الجنب اللى يرحنا".
نبذة عن الكاتبة حنان مفيد فوزى
يذكر أن حنان مفيد فوزى، إعلامية وكاتبة مصرية، تخرجت فى كلية الآداب قسم علم نفس، ثم بعدها التحقت بجامعة مونتريال الكندية لتتلقى دورات تثقيفية فى علم الأبراج، صدر لها عدة كتب من أهمهم "سيدة قطار الغناء" عن ليلى مراد 2002، "يوسف السباعى سبعة وجوه"، وديوان شعرى بعنوان "الشاطر مش حسن".