"طوابير" قصيدة جديدة لمحمد نبوى

طوابير واصل الصف مش واحد
خد جنبك وسع خد واحد
طوابير مصفوفة مصفوفة
جلاش وكنافة ملفوفة
يدخل فى أفاك ويزغزغلك
حركات وحكاية مكشوفة
والقصد تخلى عنيك عليه
ساحر وتشوف راح يعمل أيه
وأخينا التانى من ورا ضهره
يرسمله طريق ويمشى فيه
وياعينى عليكى يادماغى
أنا جيت وقدمت بلاغى
قام الكبير قلى حتسكت
قولتله والله ماله داعى
وأنا رحت ورفعت قضية
قام القاضى قال ياعنيه
حكمت المحكمة على البرىء
بالسجن شهر وشوية
ده نظام بقى كوسة مهروسة
بلا أفيه من كتر الحوسة
شايف الطعمية بسبوسة
وحمار أقوله ياجاموسة
اسكت بقى يلسانى وهس
كفياك كلام عمال يترص
وعيونا شبعت رط وبص
ولا حد فى أيديه الخلاص
افرح قوم ارقص غنى
وازعل لو غالى راح منى
وموت لو حد يظلمنى
أقولك أسكت وخلاص