بتونس وسط الأحباب

كل يوم هنشوف حكايه
من حكاوى ولاد بلادى
اللى ألف واللى لحن
واللى غنى تعيش ولادى
عمى بيرم قال وأبدع
نجم صَبح ع البلابل
هما قالوا واحنا نسمع
والحنين للقلب شاغل
ثومه قالت أنت عمرى
حبى كله وهبته ليك
رد بيرم قال يا قلب
أعشق الأجمل ما فيك
فجأه شافهم عندليب
قالهم لو تسمحولى
أترمى ف حضن الحبايب
رد بيرم ويا ثُومه
كلنا بنحلم يا دايب
نجتمع تدينا صوره
تحت راية نُور بلادى
عم جاهين كان ماشى قُريب
ناوا عليه تعالالنا يا طيب
الليلادى ليلتنا كبيره
راح نفرح خليك جنبينا
قال أنا جاى والفرح مالينى
وياكم تدفى سنينى
نفسى اغمض افتح عينى
القى أخويا فؤاد حداد
بيخبط وافتح له الباب
ويشرف ويانا الليله
تتحول قعدتنا لعيله
فجأه الطب بقى يطبلى
راح مكاوى الغالى غازلنى
حلوين من يومنا يوماتى
وهنفضل حلوين ونغنى
ايه رأيكوا متنادوا لسُوسُو
تتشرف ويانا الليله
أصلها كبرت صبحت ضحكه
تتوزع على كل العيله
عم حزمبل يجى معاها
وتغنى وهانغنى معاها
رد جاهين على عم السيد
أفكارك على طول تتأيد
يابو قلب بيكبروقُريب
وابو سمره السكر قنديل
هاندهله يغنى الممواويل
ويصبح على كل الكون
ويسلم أبو قلب جميل
وهاندعى العاشق لبلاده
الأسمر وبلون الطين
ها يغنى لبنتى وشنطتها
وهايحكى حكاية ملايين
والليله يا سمرايا جذابة
انا جايلك وبلادى بعيده
أياكى تكونى الكذابه
واشوفك عن قلبى بعيده
وهنادى على شاديه تغني
للشمس وكل اما تغنى
هنردد وياها الغنوه
وبليغ العاشق هايلحن
ويسمع ويانا الأمه
ومتنساش تندهلى حمامه
فتونه وست الستات
وتقولها أهلا ويانا
واتفضل شوف مين ع الباب
جايلنا يشرف قعدتنا
يتونس ويا الأصحاب
أتاريها الورده الأموره
جايالنا هتتونس بينا
يا مساء الأنوارشرفتي
قعدتنا اتفضلى جنبينا
وان سألك واحد عن بيتنا
شاوريله وقوليله هناك
وقوليله اللمه ف وسطينا
مليانه أغانى وأشواق
بنحب الدنيا بتدينا
وبندى لكل العشاق
صبوحه الحلوه بتبعتلك
سلملها على مصر معاك
ووديع الصافى بيندهلك
لبلادك اتاريه مشتاق
وأدينا بنعشق حبايبنا
بنغنى نألف ونمثل
وبنحلم لبلادنا الحلوه
وبنرضى جميع الأزواق
وهانفضل عايشين ف قلوبكم
وقلوبكم بتساع احباب
وان شفتم أنسان أحكوله
وشاوروله ووروله الباب
وان خبط هانشيله ف عنينا
يتونس وسط الأصحاب
نتجمع ع طول الليله
وما فيش من حوالينا أغراب